මාර්තුවේ විදෙස් සංචිත ඉහළට - තැන්පතු සහ ණය අනුපාතිකත් තවදුරටත් ස්ථාවරයි (වීඩියෝ)

ශ්‍රී ලංකා මහ බැංකුවේ නිත්‍ය තැන්පතු පහසුකම් අනුපාතිකය සහ නිත්‍ය ණය පහසුකම් අනුපාතිකය නොවෙනස්ව පවත්වාගෙන යාමට මුදල් මණ්ඩලය තීරණය කර තිබෙනවා.

ඒ අනුව, නිත්‍ය තැන්පතු පහසුකම් අනුපාතිකය 15.5% ක් ලෙසත්, නිත්‍ය ණය පහසුකම් අනුපාතිකය 16.5% ක් ලෙසත් නොවෙනස්ව පවත්වාගෙන යනු ඇති.

මේ බව අනාවරණ වූයේ, ශ්‍රී ලංකා මහබැංකුව අද කැඳවා තිබූ ප්‍රවෘත්ති සාකච්ඡාවක දී.

මේ අතර වසරකට පෙර රට තුළ පැවති ආර්ථික තත්ත්වය මේ වනවිට යථා තත්ත්වය පත්ව ඇති බව මහ බැංකු අධිපති ආචාර්ය නන්දලාල් වීරසිංහ බී.බී.සී. පුවත් සේවය සමඟ පැවති සම්මුඛ සාකච්ඡාවකදී ප්‍රකාශ කර තිබෙනවා.

තව ද, 2023 මාර්තු මාසය අවසන් වන විට ශ්‍රී ලංකාවේ මුළු නිල සංචිත වත්කම් ප්‍රමාණය අමෙරිකානු බිලියන 2.7 දක්වා වර්ධනය වී ඇති බව ශ්‍රී ලංකා මහ බැංකුව පවසනවා.

එයට චීන මහජන බැංකුවේ හුවමාරු පහසුකම ලෙස ලැබුණු අමෙරිකානු ඩොලර් බිලියන 1.4 ද ඇතුලත්.