මොනරාගල නව දිස්ත්‍රික් ලේකම් වැඩ අරඹයි

මොනරාගල දිස්ත්‍රික්කයේ නව දිස්ත්‍රික් ලේකම්වරයා ලෙස ශ්‍රී ලංකා පරිපාලන සේවයේ විශේෂ ශ්‍රේණියේ ජ්‍යෙෂ්ඨතම නිලධාරියකු වන ඒ.ජී නිශාන්ත ඊයේ (20) වැනිදා උදෑසන 09.05 යෙදුණු සුභ මොහොතින් මොනරාගල දිස්ත්‍රික් ලේකම් කාර්යාලයේදී වැඩ භාර ගත්තා.

දිවයිනේ විවිධ ප්‍රදේශවල සේවය කර ඇති ඒ මහතා ස්වදේශ කටයුතු අමාත්‍යංශයේ අතිරේක ලේකම්වරයකු ලෙස කටයුතු කරමින් සිටියදී මොනරාගල දිස්ත්‍රික් ලේකම් ධූරයට පත්කර තිබෙනවා.

වැඩ භාරගැනීමේ අවස්ථාවට මොනරාගල දිස්ත්‍රික්කයේ උප ප්‍රධාන අධිකරණ සංඝනායක සිරි විජයපුර බෝධි නිකේතනාරාමාධිපති බුද්ධම පඤ්ඤාලෝක ස්වාමීන් වහන්සේ ඇතුළු මහා සංඝරත්නය, මොනරාගල හිටපු දිස්ත්‍රික් ලේකම් (විශ්‍රාමික) පසන් රත්නායක, මොනරාගල අතිරේක දිස්ත්‍රික් ලේකම් මංගල විජේනායක, ප්‍රාදේශීය ලේකම්වරුන් වන රසික තිලකරත්න (බුත්තල), චතුර සමරසේකර(මොනරාගල), කැලුම් නිශාන්ත (තණමල්විල), පුබුදු දිසානායක(මැදගම) යන පිරිස එක්ව සිටියා.