හිටපු ජනපති රනිල්ට එරෙහි නඩුව අද යළි සලකා බලයි

හිටපු ජනාධිපති රනිල් වික්‍රමසිංහට එරෙහිව පොදු දේපළ පනත යටතේ චෝදනා ඉදිරිපත් කරමින් ගොනුකර ඇති නඩුව අද (29) යළි කැඳවීමට නියමිතයි.

ඒ, කොළඹ කොටුව මහෙස්ත්‍රාත් අධිකරණයේදීයි.

රනිල් වික්‍රමසිංහ ජනාධිපති ධුරය දැරූ කාලසීමාව තුළ ඔහුගේ බිරිඳ වන මහාචාර්ය මෛත්‍රී වික්‍රමසිංහගේ උපාධි ප්‍රධානෝත්සවයක් සඳහා සහභාගි වීමට ලන්ඩනයට යාම සදහා රජයේ මුදල් අවභාවිත කළ බවට චෝදනා කරමින් මෙම පැමිණිල්ල ගොනුකර තිබෙනවා.

මෙම නඩුවට අදාළව පසුගිය අප්‍රේල් මස 24 වැනිදා අපරාධ පරීක්ෂණ දෙපාර්තමේන්තුවේ නිලධාරීන් විසින් හිටපු ජනාධිපති රනිල් වික්‍රමසිංහගේ බිරිඳ වන මහාචාර්ය මෛත්‍රී වික්‍රමසිංහගෙන් පැය 4ක ප්‍රකාශයක් සටහන් කරගෙන තිබුණා.

ඒ ඔවුන්ගේ නිවසේදීයි.