ජුනි මාසයේ ලිට්‍රෝ ගෑස් මිලෙහි වෙනසක් නෑ

ලෝක වෙළෙඳපොළේ එල්.පී. ගෑස් මිල ඉහළ යාම සහ රුපියල අවප්‍රමාණය වීම හමුවේ වුව ද මෙම මාසය සඳහා ගෑස් මිල සංශෝධනය නොකිරීමට ලිට්රෝ සමාගම තීරණය කර තිබෙනවා.

පිරිවැය පාලනය සඳහා ක්‍රියාත්මක කළ විනයගරුක ක්‍රියාමාර්ග, අඛණ්ඩ විකුණුම් වර්ධනය සහ අනෙකුත් නිෂ්පාදන අංශයන්ගෙන් ලැබූ ඉහළ ලාභදායීත්වය මෙලෙස මිල සංශෝධනය නොකිරීමට හේතු වූ බවයි එම සමාගම නිවේදනය කළේ.

ලිට්රෝ සමාගම පසුගිය මාසය සඳහා ද මිල සංශෝධනය නොකිරීමට පියවර ගනු ලැබුවා.