ශ්‍රී ලංකන් ගුවන් සේවයේ නව සභාපති දිමාල් අරන්දර

ශ්‍රී ලංකන් ගුවන් සේවයේ නව සභාපතිවරයා ලෙස දිමාල් අරන්දරව ඊයේ (09) සිට ක්‍රියාත්මක වන පරිදි පත් කර තිබෙනවා.

හිටපු සභාපති සරත් ගනේගොඩ ඉල්ලා අස්වීමෙන් පසුව, අරන්දර මහතා මීට පෙර එහි වැඩබලන සභාපතිවරයා ලෙස කටයුතු කළ අතර අධ්‍යක්ෂ මණ්ඩල සාමාජිකයෙකු ලෙසද කටයුතු කර ඇති බව සඳහන්.

වසරකට පමණ වැඩි කාලයක් සභාපති ධුරය හෙබවූ සරත් ගනේගොඩ පසුගිය මාර්තු 31 වැනිදා ශ්‍රී ලංකන් ගුවන් සේවයේ සභාපති ධුරයෙන් ඉල්ලා අස්වුණා.

මේ අතර, රජය විසින් ශ්‍රී ලංකන් ගුවන් සේවය සඳහා ප්‍රධාන විධායක නිලධාරියෙකු (CEO) ද ළඟදීම පත් කිරීමට නියමිත බවට වාර්තා වෙනවා.

දැනට එම තනතුරේ වැඩකටයුතු සිදුකරනු ලබන්නේ එහි ප්‍රධාන මූල්‍ය නිලධාරියා (CFO) ලෙසද කටයුතු කරන යසන්ත දිසානායක විසින්.