කොංගෝවෙන් නව වඳුරු විශේෂයක්

කොංගෝ රාජ්‍යයේ වනාන්තරයක සිටියදී නව වඳුරු විශේෂයක් සොයාගෙන තිබෙනවා.

කළු පැහැති මුහුණක් සහ කැපී පෙනෙන රෝස-තැඹිලි පැහැති තොල් මෙම වඳුරු විශේෂයේ දක්නට ලැබෙන බවයි විදෙස් මාධ්‍ය වාර්තා කළේ.

මෙම අසාමාන්‍ය පෙනුමක් ඇති වඳුරා ප්‍රථම වරට 2008 වසරේදී දැක තිබූ නමුත්, එහිදී නිසි වාර්තාවක් ලබා ගැනීමට අපොහොසත් වී තිබුණා.

කෙසේ වෙතත් වසර ගණනාවකට පසුව නැවත වරක් දර්ශනය වූ මෙම සත්ත්වයා ජාත්‍යන්තර කණ්ඩායමක් අධ්‍යයනය කිරීමෙන් අනතුරුව නව වඳුරු විශේෂයක් බවට තහවුරු කර ගෙන තිබුණා.