නුවරඑළිය අයහපත් කාලගුණ තත්ත්වය තරමක් පහව යයි: ආපදාවෙන් 5 දෙනෙක් මියගොස් අයෙක් අතුරුදන් - දිස්ත්‍රික් ලේකම් - Hiru News - Srilanka's Number One News Portal, Most visited website in Sri Lanka

%E0%B6%B1%E0%B7%94%E0%B7%80%E0%B6%BB%E0%B6%91%E0%B7%85%E0%B7%92%E0%B6%BA+%E0%B6%85%E0%B6%BA%E0%B7%84%E0%B6%B4%E0%B6%AD%E0%B7%8A+%E0%B6%9A%E0%B7%8F%E0%B6%BD%E0%B6%9C%E0%B7%94%E0%B6%AB+%E0%B6%AD%E0%B6%AD%E0%B7%8A%E0%B6%AD%E0%B7%8A%E0%B7%80%E0%B6%BA+%E0%B6%AD%E0%B6%BB%E0%B6%B8%E0%B6%9A%E0%B7%8A+%E0%B6%B4%E0%B7%84%E0%B7%80+%E0%B6%BA%E0%B6%BA%E0%B7%92%3A+%E0%B6%86%E0%B6%B4%E0%B6%AF%E0%B7%8F%E0%B7%80%E0%B7%99%E0%B6%B1%E0%B7%8A+5+%E0%B6%AF%E0%B7%99%E0%B6%B1%E0%B7%99%E0%B6%9A%E0%B7%8A+%E0%B6%B8%E0%B7%92%E0%B6%BA%E0%B6%9C%E0%B7%9C%E0%B7%83%E0%B7%8A+%E0%B6%85%E0%B6%BA%E0%B7%99%E0%B6%9A%E0%B7%8A+%E0%B6%85%E0%B6%AD%E0%B7%94%E0%B6%BB%E0%B7%94%E0%B6%AF%E0%B6%B1%E0%B7%8A+-+%E0%B6%AF%E0%B7%92%E0%B7%83%E0%B7%8A%E0%B6%AD%E0%B7%8A%E2%80%8D%E0%B6%BB%E0%B7%92%E0%B6%9A%E0%B7%8A+%E0%B6%BD%E0%B7%9A%E0%B6%9A%E0%B6%B8%E0%B7%8A

පවතින ආපදා තත්ත්වය හේතුවෙන් නුවරඑළිය දිස්ත්‍රික්කයේ පවුල් 1091කට අයත් පුද්ගලයින් 3951 දෙනෙකු පීඩාවට පත්ව ඇති බව දිස්ත්‍රික් ලේකම් තුෂාරි තෙන්නකෝන් සඳහන් කළා.

මෙම ආපදා තත්ත්වය නිසා පුද්ගලයින් 5 දෙනෙකු මියගොස් ඇති අතර, තවත් අයෙක් අතුරුදන් වී ඇතැයි ද ඇය වැඩිදුරටත් පැවසුවා.

නුවරඑළිය දිස්ත්‍රික්කයේ පවතින ආපදා තත්ත්වය පිළිබඳව නුවරඑළිය දිස්ත්‍රික් ලේකම් කාර්යාලයේදී අද (04) පැවති මාධ්‍ය හමුවක් අමතමින් ඇය මෙම අදහස් පළ කළා.

මේ වන විට දිස්ත්‍රික්කය තුළ ස්ථාපිත කර ඇති අවතැන් කඳවුරු 20 ක් තුළ පවුල් 523 කට අයත් පුද්ගලයින් 2195 දෙනෙකු රඳවා සිටින අතර, තවත් පුද්ගලයින් 224 දෙනෙකු ඥාති නිවාසවල රැඳී සිටින බව මෙහිදී අනාවරණය වුණා.

ආපදා තත්ත්වය නිසා දිස්ත්‍රික්කයේ නිවාස 2 ක් සම්පූර්ණ වශයෙන්ද, අර්ධ වශයෙන් නිවාස 90 ක්ද හානි වී ඇති බවද මෙහිදී වාර්තා විණි.

නිවාසවලට කාන්දු වූ ජලය සම්පූර්ණයෙන්ම බැස ගිය පසු, එම පිරිස යළි ඔවුන්ගේ නිවාස වෙත යොමු කිරීමට අවශ්‍ය පියවර ගන්නා බවයි දිස්ත්‍රික් ලේකම්වරිය වැඩිදුරටත් පැවසුවේ.

මේ අතර, දිස්ත්‍රික්කයේ මේ වන විට පැවති අයහපත් කාලගුණ තත්ත්වය තරමක් දුරට පහව ගොස් ඇති බව අප වාර්තාකරුවන් සඳහන් කරනවා.