"පුරවපු භාණ්ඩාගාරයේ දොර ඇරලා ජනාධිපතිතුමා ජනතාවට සහන දුන්නා" - ඇමති සමන්ත

පිරී තිබූ භාණ්ඩාගාරයේ දොරටු විවර කරමින් ජනාධිපතිවරයා ජනතාවට සහන ලබාදීමට කටයුතු කළ බව අමාත්‍ය සමන්ත විද්‍යාරත්න පවසනවා.

අද (04) පාර්ලිමේන්තුවේ දී වැඩිදුරටත් අදහස් දක්වමින් අමාත්‍යවරයා සඳහන්කර සිටියේ,

"විපක්ෂය කෙඳිරි ගානවා භාණ්ඩාගාරය පුරවලා කියලා. එහෙම පුරවපු භාණ්ඩාගාරයේ දොර ජනාධිපතිතුමා මෙතනදි ඇරලා පරිපූරක ඇස්තමේන්තුවක් මගින් දිට්වා ආපදාවට බිලියන 500ක් දුන්නා. ඊළඟට මැදපෙරදිග යුදමය තත්ත්වය නිසා ජනතාවට සහන දෙන්න බිලියන 100ක් දුන්නා.

ඉස්සර වගේ ජනතාවට පටි තදකරගන්න කියලා අපි කියලා නෑ. පටි තද කරගන්න කිව්වේ නෑ. ජනතාවට සහන ලබාදෙමින් තිබෙනවා."යනුවෙන්.