2027 වසරේ පාසල් වාර සටහන ප්‍රකාශයට පත් කෙරේ

2027 වසර සඳහා වූ රජයේ සහ රජයේ අනුමත සියලුම පෞද්ගලික පාසල්වල පාසල් වාර සටහන සහ නිවාඩු කාලසීමාවන් අධ්‍යාපන අමාත්‍යාංශය විසින් නිල වශයෙන් නිකුත් කර තිබෙනවා.

ඒ අනුව පළමු වාරය, 2027.01.04 (සඳුදා) සිට 2027.04.09 (සිකුරාදා) දක්වා පැවැත්වීමට සැලසුම් කර ඇති අතර පාසල් නිවාඩුව, 2027.04.10 සිට 2027.04.25 දක්වා ලබා දීමටයි සැලසුම් කර ඇත්තේ.

දෙවන වාරය, 2027.04.26 (සඳුදා) සිට 2027.07.30 (සිකුරාදා) දක්වා හිමිවන අතර පාසල් නිවාඩුව, 2027.07.31 සිට 2027.08.29 දක්වා හිමිවනු ඇති.

තෙවන වාරය: 2027.08.30 (සඳුදා) ඇරඹෙන අතර එතැන් සිට 2027.12.03 (සිකුරාදා) දක්වා එම වාරය ක්‍රියාත්මක වනු ඇති.

2027 වර්ෂයේ 12 ශ්‍රේණියේ නව පන්ති ආරම්භය 2027.06.15 දින සිදු කෙරෙන අතර, විෂය නිර්දේශ ආවරණය හා වාර විභාග පවත්වා 13 ශ්‍රේණියේ තෙවන පාසල් වාරය 2027.07.16 වන දින අවසන් කළ යුතු බවත් එම නිවේදනයේ සඳහන්.

2027 වර්ෂයේ යෝජිත රජයේ නිවාඩු දින හා පාසල් දිනදර්ශනයට අනුව සියලුම පාසල් දින 197ක් පැවැත්වීමට සැලසුම් කර තිබෙනවා.

2027 අ.පො.ස. (උසස් පෙළ) විභාගය 2027 අගෝස්තු මාසයේදී ද, 2027 අ.පො.ස. (සාමාන්‍ය පෙළ) විභාගය 2027 දෙෙසම්බර් මාසයේදී ද පැවැත්වීමට නියමිත බවයි එම නිවේදනයේ සඳහන් වෙන්නේ.