වැලිවේරිය සිද්ධියේ දී උද්ඝෝෂකයන් අතරින් ආරක්ෂක අංශ වෙත ගල් මුල් ප්රහාර එල්ල වූයේ සැලසුම් සහගතව බව වැලිවේරිය පොලිස් ස්ථානාධිපති පොලිස් පරීක්ෂක එස්.කේ. උපාලි අද කියා සිටියා. ඒ, සිද්ධියේදී තුන්දෙනෙකු මිය යාම සම්බන්ධයෙන් මහේස්ත්රාත් පරීක්ෂණය ගම්පහ ප්රධාන මහේස්ත්රාත් ටිකිරි ජයතිලක හමුවේ අද (06) යළිත් කැදවූ අවස්ථාවේදියි.
පානීය ජල ප්රශ්නයක් මුල් කර ගනිමින් වැලිවේරිය - රතුපස්වල ප්රදේශවාසීන්ගේ උද්ඝෝෂණයට ප්රහාර එල්ල වූයේ පසුගිය අගෝස්තු 1 වන දායි. අද මහේස්ත්රාත් පරීක්ෂණයේදී වැලිවේරිය පොලිස් ස්ථානාධිපතිවරයා සාක්ෂි ලබාදුන්නේ කොළඹ අපරාධ කෝට්ඨාශයේ ප්රධාන පොලිස් පරීක්ෂක නෙවිල් සිල්වාගේ මෙහෙයවීමෙන්.
වැලිවේරිය - රතුපස්වල ජනතා උද්ඝෝෂණය ආරම්භයේ සිට අවසානය දක්වාම තමන් ඒ සම්බන්ධයෙන් කටයුතු කළ බව පොලිස් ස්ථානාධිපතිවරයා මෙහිදී සදහන් කළා. ප්රහාරය එල්ල වූ දිනයේ දී යුධ හමුදාවේ බ්රිගේඩියර් දේශප්රිය නැමැත්තෙක් පැමිණ ආරක්ෂක ලේකම්වරයාගේ ප්රධානත්වයෙන් පැවති සාකච්ඡාවකදී ගත් තීරණයක් දැනුම් දුන්නා. පුටුවක නැග මයික්රොෆෝනයක් ආධාරයෙන්, කම්හල වැසීමට තීරණය කර ඇති බව ඔහු කියා සිටියා. පසුව පිරිසට විසිර යාමට පැය භාගයක් ලබා දෙන බව ද ඔහු සදහන් කළා. එක්වරම හූ හඩක් නැගුණු අතර උද්ඝෝෂකයන් අතරින් ගල් මුල් ප්රහාරයක් එල්ල වුණා. පොලිස් ස්ථානාධිපතිවරයා වැඩිදුරටත් කියා සිටියේ එක් ගලක් වැදී තමන් ද බිම ඇද වැටුණු බවයි.
මෙහිදී මහේස්ත්රාත්වරයා විමසා සිටියේ මෙතරම් විශේෂිත සිද්ධියකදී බුද්ධි අංශ නිලධාරීන්ගේ සහාය ලබා නොගත්තේ මන්ද යන්නයි. එමෙන්ම යුධ හමුදාව නිල ඇදුමෙන් සිටියේ ද, කළු පැහැති ඇදුමකින් සැරසී සිටියේ ද යන්න මහේස්ත්රාත්වරයා ප්රශ්න කළා. බුද්ධි අංශ නිලධාරීන් දෙදෙනෙකු යෙදවූ බව පැවසූ පොලිස් ස්ථානාධිපතිවරයා යුධ හමුදාව නිළ ඇදුමෙන් සිටි බව ප්රකාශ කළා.
වැලිවේරිය ශාන්ත අන්තෝනි දේවස්ථානයේ පූජකවරයා සහ කන්යා සොහොයුරිය අද සාක්ෂි දීමට කැදවා තිබුණ ද ඔවුන් පැමිණ සිටියේ නැහැ. ශ්රී ලංකා නීතිඥ සංගමය නියෝජනය කරමින් පැමිනියේ නීතිඥ උපුල් දේශප්රිය පැවසුවේ ඔවුන් ඇතුළු පිරිස් සාක්ෂි දැක්වීමට බියක් දක්වන බවයි. සාක්ෂි කැදවීමට අධිකරණයට බලය තිබෙන බව පැවසූ මහේස්ත්රාත්වරයා අවශ්ය පුද්ගලයන් කැදවිය හැකි බව ද කියා සිටියා. මෙය විශේෂිත නඩුවක් වන බැවින් නීතියේ රාමුවෙන් පිට පැන මහේස්ත්රාත් පරීක්ෂණ පැවැත්විය නොහැකි බවයි මහේස්ත්රාත්වරයා වැඩිදුරටත් පැවසුවේ.
අධිකරණයට වාර්තා වී ඇත්තේ මෙම සිද්ධියෙන් සියයට 2ක, 3ක කරුණු ප්රමාණයක් පමණක් බව නීතිඥ උපුල් දේශප්රිය මෙහිදී සදහන් කළා. නඩුව මේ මස 17 වන දා පෙරවරුවේ යළි කැදවනු ඇති.
Latest News
රෝහිත රාජපක්ෂ කොළඹ මධ්යම අපරාධ විමර්ශන කාර්යාංශය හමුවට
නිවාස සහ පුද්ගලික වාහන විකිණීමේදී ලැබෙන බදු නිදහස ගැන දේශීය ආදායම් දෙපාර්තමේන්තුවෙන් පැහැදිලි කිරීමක්
චෙක් ජනරජය පරදා මෙක්සිකෝවට විශිෂ්ට ජයක්
විජයදාසගේ පුත් රඛිත සහ චරිත් අබේසිංහ අත්අඩංගුවට
දකුණු කොරියාව පරදා දකුණු අප්රිකාවට ජය
ලෝක බොර තෙල් මිල තවදුරටත් පහතට
භූමිකම්පාවෙන් පසු වෙනිසියුලාවේ හදිසි තත්ත්වයක් ප්රකාශයට පත් කෙරේ
නේපාල පාපන්දු සම්මේලනය තහනම් කරන බව ජාත්යන්තර පාපන්දු සම්මේලනය නිවේදනය කරයි
අනපේක්ෂිතව ඩෙංගු වර්ධනය වන බවට මහජන සෞඛ්ය පරීක්ෂකවරුන්ගෙන් රතු එළි
අද රාත්රියේ සිට ප්රදේශ කිහිපයකට වැසි තත්ත්වයේ වැඩි වීමක්
