දින 250ක් මුහුදේ - ඇමෙරිකානු ගුවන් යානා ප්‍රවාහන නෞකාවෙන් දුක්ගැනවිලි

ඉරානයට එරෙහි මෙහෙයුම් සඳහා දිගුකාලීනව යොදවා ඇති අමෙරිකාවේ USS Abraham Lincoln ගුවන් යානා ප්‍රවාහන නෞකාවේ කාර්ය මණ්ඩලය දැඩි මානසික පීඩනයකට හා දුෂ්කරතාවලට මුහුණ දී සිටින බව අමෙරිකානු සහ විදෙස් මාධ්‍ය වාර්තා කරනවා.

​එම නෞකාවේ නාවිකයින් සහ සෙබළුන් 5,000ක් පමණ මාස 9 ක් තිස්සේ නෞකාව තුළ දිවි ගෙවන අතර, ගොඩබිමට පැමිණීමකින් තොරව අඛණ්ඩව දින 250ක් ගත කර තිබෙනවා.

මීට අමතරව, නෞකාව තුළ සනිපාරක්ෂක සේවාවන් දුර්වල බවටත් , කැඩුණු වැසිකිළි සහ මූලික සනීපාරක්ෂක ද්‍රව්‍යවල දැඩි හිඟයක් පවතින බවටත් එමගින් වාර්තා වනවා.

අදාළ වාර්තාවලට අනුව ​මෙම දැඩි මානසික පීඩනය සහ අඛණ්ඩ සේවා දිගුවක් හේතුවෙන් නාවිකයන් කිහිප දෙනෙකු මුහුදට පැන සියදිවි හානිකර ගැනිමට ද උත්සාහ කර ඇති බවයි වාර්තා වන්නේ.

මෙම නෞකාව මැදපෙරදිගට මෙහෙයුම්වලින් ආපසු ගෙන්වා ගැනීම දිගින් දිගටම කල් දමා ඇත්තේ මැදපෙරදිග ගැටුම්වල නිමාවක් දක්නට නොමැති වීම හේතුවෙන්.