කොදෙව්වන් පරදා ශ්‍රී ලංකාවට ලකුණු 37ක ජයක්

සංචාරක ශ්‍රී ලංකා කණ්ඩායම සහ බටහිර ඉන්දීය කොදෙව් කණ්ඩායම අතර දෙවැනි විස්සයි විස්ස තරගය ජයග්‍රහණය කරන්න ශ්‍රී ලංකා කණ්ඩායම සමත් වුණා.

ඒ ලකුණු 37කින්.

තරගයේ පළමුව පන්දුවට පහර දුන් ශ්‍රී ලංකා කණ්ඩායම පන්දු වාර 20 අවසානයේ කඩුලු 6ක් දැවී ලකුණු 194ක් වාර්තා කළා.

එහි දී ශ්‍රී ලංකාව වෙනුවෙන් දසුන් ශානක පන්දු 24කදී වේගවත් ලකුණු 58ක් හා කමිල් මිෂාර පන්දු 40ක දී නොදැවී ලකුණු 60ක් වාර්තා කළා.

පන්දු යැවීමේ දී බටහිර ඉන්දීය කොදෙව්වන් වෙනුවෙන් ෂමාර් ජෝෂප් කඩුලු 3ක් හා මැතිව් ෆෝර්ඩ් කඩුලු 2ක් දවා ගත්තා.

පිළිතුරු ඉනිම ලෙස පන්දුවට පහර එල්ල කළ කොදෙව්වන්ගේ මුල් කඩුලු දෙක ලකුණු 9ක් තුළ දැවී ගියත් අනතුරුව පිටියේ ස්ථාවර වූ ෂිම්රාන් හෙට්මයර් සහ රොව්මන් පවෙල් ලකුණු 81ක දැවැන්ත සබඳතාවක් ගොඩනැගුවා.

එම සබඳතාව බිඳී ගියේ කොදෙව් ලකුණු පුවරුව ලකුණු 90ක්ව තිබියදී.

ඒ වන විට හෙට්මයර් ලකුණු 36ක් ලබාගෙන සිටි අතර අනතුරුව ලකුණු 43ක් ලබාගෙන සිටි රොව්මන් පවෙල් දැවී ගියා.

ඉන් අනතුරුව කොදෙව් ඉනිම ක්‍රමයෙන් කඩා වැටුණු අතර යම් හෝ ජීවයක් එක් කරන්නට අකිල් හොසේන් සහ රොස්ටන් චේස් උත්සහ කළා.

නමුත් අකිල් හොසේන් ලකුණු 14කට දැවී ගියේ අවසන් කඩුල්ල ලෙස රොස්ටන් චේස් එක් අන්තයක තනි කරමින්.

කෙසේ නමුත් රොස්ටන් චේස් ද ලකුණු 17කට දැවී ගියේ තරගාවලියේ ශ්‍රී ලංකාව සහ බටහිර ඉන්දීය කොදෙව් කණ්ඩායම 1 - 1ක් වශයෙන් සම තත්ත්වයක පසු කරමින්

ජයග්‍රාහී ශ්‍රී ලංකා කණ්ඩායම වෙනුවෙන් පන්දු යැවීමේ දී වනිඳු හසරංග හා දුෂ්මන්ත චමීර අතරේ කඩුලු 3 බැගින් බෙදී ගිය අතර දුනිත් වෙල්ලාගේ කඩුලු 2ක් හා මහීෂ් තීක්ෂණ එක් කඩුල්ලක් බැගින් දවා ගත්තා.