චීන ඒකාධිකාරයට අභියෝග කරමින් රුසියාවේ විශාලතම දුර්ලබ ඛනිජ නිධියක් ඉන්දියාවට විවෘත වෙයි

%E0%B6%A0%E0%B7%93%E0%B6%B1+%E0%B6%92%E0%B6%9A%E0%B7%8F%E0%B6%B0%E0%B7%92%E0%B6%9A%E0%B7%8F%E0%B6%BB%E0%B6%BA%E0%B6%A7+%E0%B6%85%E0%B6%B7%E0%B7%92%E0%B6%BA%E0%B7%9D%E0%B6%9C+%E0%B6%9A%E0%B6%BB%E0%B6%B8%E0%B7%92%E0%B6%B1%E0%B7%8A+%E0%B6%BB%E0%B7%94%E0%B7%83%E0%B7%92%E0%B6%BA%E0%B7%8F%E0%B7%80%E0%B7%9A+%E0%B7%80%E0%B7%92%E0%B7%81%E0%B7%8F%E0%B6%BD%E0%B6%AD%E0%B6%B8+%E0%B6%AF%E0%B7%94%E0%B6%BB%E0%B7%8A%E0%B6%BD%E0%B6%B6+%E0%B6%9B%E0%B6%B1%E0%B7%92%E0%B6%A2+%E0%B6%B1%E0%B7%92%E0%B6%B0%E0%B7%92%E0%B6%BA%E0%B6%9A%E0%B7%8A+%E0%B6%89%E0%B6%B1%E0%B7%8A%E0%B6%AF%E0%B7%92%E0%B6%BA%E0%B7%8F%E0%B7%80%E0%B6%A7+%E0%B7%80%E0%B7%92%E0%B7%80%E0%B7%98%E0%B6%AD+%E0%B7%80%E0%B7%99%E0%B6%BA%E0%B7%92

ලොව මෙතෙක් ප්‍රයෝජනයට නොගත් විශාලතම දුර්ලභ පෘථිවි ලෝහ නිධියක් ලෙස සැලකෙන රුසියාවේ 'ටොම්ටෝර්' ඛනිජ නිධිය ගවේෂණය කිරීම සඳහා ඉන්දියාවට අවස්ථාව ලබා දීමට රුසියාව එකඟ වී තිබෙනවා.

සාකච්ඡා පිළිබඳ සමීප තොරතුරු දන්නා ප්‍රභවයක් උපුටා දක්වමින් රොයිටර් පුවත් සේවය මේ බව වාර්තා කර තිබෙනවා.

මේ වන විටත් ඉන්දියාවේ රාජ්‍ය සතු පතල් සමාගමක් වන 'IREL' සමාගම, මෙම නිධියෙන් ඛනිජ සාම්පල ලබා ගැනීම පිළිබඳව රුසියාවේ රාජ්‍ය සතු දැවැන්ත තෙල් සමාගම වන 'රොස්නෙෆ්ට්' සමඟ රහසිගත සාකච්ඡා පවත්වමින් සිටින බව සඳහන්.

මෙම වැඩපිළිවෙළ යටතේ, අදාළ ඛනිජ ද්‍රව්‍ය රුසියාව තුළදීම මූලික සැකසුම් ක්‍රියාවලියකට ලක් කිරීමෙන් අනතුරුව වැඩිදුර විශ්ලේෂණ කටයුතු සඳහා ඉන්දියාවට නැව්ගත කිරීමට නියමිතයි.

එමඟින් ඉන්දීය විශේෂඥයින්ට එහි අඩංගු ඛනිජ සංයුතිය නිවැරදිව තක්සේරු කර, මෙම ව්‍යාපෘතියේ සහයෝගීතාව තවදුරටත් පුළුල් කරන්නේද නැද්ද යන්න තීරණය කිරීමට අවස්ථාව ලැබෙනු ඇති.