ලෝක කුසලාන සුපිරි 32 වටයේදී රොනාල්ඩෝ පළමු ගෝලය වාර්තා කරයි

ලෝක කුසලාන තරගාවලියක පිළිමළුන් පිටුදැකීමේ වටයක ක්‍රිස්ටියානෝ රොනාල්ඩෝ ලබාගත් ඔහුගේ පළමු ගෝලයෙන් පසුව, තරගයේ 94 වැනි මිනිත්තුවේදී ගොන්සාලෝ රාමෝස් (Goncalo Ramos) ජයග්‍රාහී ගෝලය වාර්තා කළා.

ඒ අනුව ක්‍රොඒෂියාව පරාජය කරමින් අවසන් 16 දෙනාගේ වටයට සුදුසුකම් ලැබීමට පෘතුගාලය සමත් වුණා.

තරගයේ දෙවැනි භාගයේදී ආදේශක ක්‍රීඩකයෙකු ලෙස පිටියට පිවිසි රාමෝස්, ක්‍රොඒෂියානු ආරක්ෂක ක්‍රීඩකයින් දෙදෙනෙකුට වඩා ඉහළින් පැන, රෆායෙල් ලෙයාඕ (Rafael Leao) විසින් එල්ල කරන ලද විශිෂ්ට පන්දුවක් හිසෙන් පහරදී ගෝලයක් වාර්තා කළා.

ඒ, තරගය අතිරේක කාලය කරා ඇදී යනු ඇතැයි අපේක්ෂා කළ මොහොතකයි.

තරගයේ පළමු භාගයේදී පෘතුගාලය ආධිපත්‍යය පැතිරවූ නමුත්, තරගකාරී දෙවැනි භාගයේදී ක්‍රොඒෂියාව පෙරමුණ ගැනීමට සමත් වුණා.

දෙවැනි භාගය ආරම්භ වී මිනිත්තු අටකට පසු, රුබෙන් ඩයස් (Ruben Dias) හට පන්දුව නිසි ලෙස ඉවත් කිරීමට නොහැකි වූ අවස්ථාවක, අයිවන් පෙරිරිසිච් (Ivan Perisic) විසින් පන්දුව ගෝල රේඛාවේ කොනකට ඇතුළු කරමින් ක්‍රොඒෂියාවට පළමු ගෝලය ලබා දුන්නා.

දෙවැනි භාගයේ ආදේශක ක්‍රීඩකයෙකු ලෙස පැමිණි මතනොවික් ඊට මිනිත්තු දෙකකට පසු ක්‍රොඒෂියාවේ ලකුණු සංඛ්‍යාව දෙගුණ කළේ යැයි සිතුවද, ඔහුගේ කණ්ඩායමේ සගයෙකු වූ නිකොලා ව්ලැසික් (Nikola Vlasic) ඕෆ්සයිඩ් වී සිටීම නිසා එම ගෝලය අවලංගු වුණා.

ඉන් අනතුරුව උද්වේගකර මිනිත්තු කිහිපයක් ගත වූ අතර, එහිදී ලෙයාඕ එල්ල කළ ප්‍රහාරයක් ගෝල් කණුවේ වැදී විසි වූ අතර, රොනාල්ඩෝ විසින් දක්ෂ ලෙස දැල තුළට යොමු කළ පන්දුවක් ද ඉතා සුළු වශයෙන් ඕෆ්සයිඩ් වීම නිසා ප්‍රතික්ෂේප වී තිබෙනවා.

නමුත් රොනාල්ඩෝව ක්‍රීඩා පිටියෙන් ඉවත් කිරීමට සූදානම් වෙත්ම, කෝනර් (Coer) පහරක් අවස්ථාවකදී රෙනාටෝ වේගාට (Renato Veiga) සිදු වූ වැරදි ක්‍රියාවක් (Foul) විනිසුරු (VAR) මගින් හඳුනා ගැනීම නිසා පෘතුගාලයට පෙන්ල්ටි (Penalty) පහරක් හිමි වූ අතර, රොනාල්ඩෝ එය සාර්ථකව ගෝලයක් බවට පරිවර්තනය කිරීමට සමත් වුණා.

ක්‍රොඒෂියාව මීට හොඳින් ප්‍රතිචාර දැක්වූ අතර, කෙටි විවේකයකින් පසුව, මතෙයෝ කොවාසික් (Mateo Kovacic) එල්ල කළ වේගවත් ප්‍රහාර දෙකක් වැළැක්වීමට පෘතුගාල ගෝල් රකින්නා වන ඩියෝගෝ කොස්තාට (Diogo Costa) සිදුව තිබෙනවා.

ඉන්පසු සුසික් (Petar Sucic), කොවාසික්ගෙන් ලැබුණු විශිෂ්ට පන්දුවක් රැගෙන ගොස් කොස්තා පසුකරමින් ගෝලයක් වාර්තා කළද, නැවත වරක් විනිසුරු සංඥාව (Offside flag) ක්‍රොඒෂියාවට හරස් වුණා.

තරගයේ ස්වභාවය අනුව ජයග්‍රාහකයින් තේරීමට අතිරේක කාලය වඩාත්ම සාධාරණ ක්‍රමය ලෙස පෙනෙන්නට තිබියදී, රාමෝස් ලබාගත් ගෝලය පෘතුගාල කණ්ඩායමේ ජයග්‍රහණය තහවුරු වුණා.

අවසන් 16 දෙනාගේ වටයේදී පෘතුගාලය, වත්මන් යුරෝපීය ශූරයින් වන ස්පාඤ්ඤය සමග ජූලි 6 වැනිදා ටෙක්සාස්හි ඩලස් ක්‍රීඩාංගණයේදී (Dallas Stadium) තරග වැදීමට නියමිතයි.

-BBC-