'ஜானி ஜானி எஸ் பாப்பா' பாடல் சிறுவர்களை பொய் சொல்லத் தூண்டுகிறது: அமைச்சர் பேச்சால் சர்ச்சை!

புகழ்பெற்ற சிறுவர்களுக்கான ஆங்கிலப் பாடலான ‘ஜானி ஜானி எஸ் பாப்பா’ (Johny Johny Yes Papa), பாடல் சிறுவர்களைப் பொய் சொல்லக் கற்றுக்கொடுப்பதாக உத்தரப்பிரதேச மாநில உயர்கல்வித்துறை அமைச்சர் யோகேந்திர உபாத்தியாயா தெரிவித்துள்ள கருத்து தற்பொழுது பெரும் விவாதத்தை ஏற்படுத்தியுள்ளது.

கான்பூரில் நடைபெற்ற ஒப்பந்த ஆசிரியர்களுடனான (Shiksha Mitras) கலந்துரையாடல் நிகழ்வு ஒன்றில் அமைச்சர் யோகேந்திர உபாத்தியாயா கலந்துகொண்டு உரையாற்றினார். அப்போது கல்வி முறையில் மாற்றங்கள் குறித்துப் பேசிய அவர், மேலை நாட்டு கலாசாரத்தைப் பிரதிபலிக்கும் பாடல்கள் இந்திய சிறுவர்களுக்குப் பொருத்தமற்றவை என்று சாடினார்.