நுவரெலியா - வெலிமடை வீதியில் பாரிய விபத்து: 4 வாகனங்கள் சேதம்

நுவரெலியாவிலிருந்து வெலிமடை நோக்கிப் பயணித்த பாரவூர்தி ஒன்றின் பிரேக் திடீரென செயலிழந்தமையே இந்த விபத்துக்குக் காரணமாகும்.

இதனால் கட்டுப்பாட்டை இழந்த பாரவூர்தி , அதற்கு முன்னால் அதே திசையில் பயணித்துக்கொண்டிருந்த ஜீப் ரக வாகனம், சிற்றூந்து மற்றும் முச்சக்கரவண்டி ஆகியவற்றுடன் அடுத்தடுத்து மோதி விபத்துக்குள்ளாகியுள்ளது.

இந்த விபத்தினால் வாகனங்களுக்குப் பலத்த சேதங்கள் ஏற்பட்டுள்ள போதிலும், அதிர்ஷ்டவசமாக எவருக்கும் காயங்கள் ஏற்படவில்லை என காவல்துறையினர் குறிப்பிட்டுள்ளனர்.

இவ்விபத்து தொடர்பான மேலதிக விசாரணைகளை நுவரெலியா காவல்துறையினர் மேற்கொண்டு வருகின்றனர்.