ஹோர்முஸ் நீரிணையை மூடுவதாக ஈரான் அறிவிப்பு!

லெபனான் மீது இஸ்ரேல் நடத்திய உயிராபத்தான தாக்குதல்களுக்குப் பதிலடியாக, சர்வதேச எரிபொருள் போக்குவரத்தின் முக்கிய வழித்தடமான ஹோர்முஸ் நீரிணை, கப்பல் போக்குவரத்துக்கு மூடப்படுவதாக ஈரானின் மத்திய இராணுவக் கட்டளையகம் அறிவித்துள்ளது.

இஸ்ரேலின் இந்தத் தாக்குதல்கள், அமெரிக்காவுக்கும் ஈரானுக்கும் இடையே எட்டப்பட்ட தற்காலிக ஒப்பந்தத்தை மீறும் செயல் என்றும் ஈரான் விவரித்துள்ளது.

அமெரிக்கா மற்றும் ஈரானுக்கு இடையே எட்டப்பட்ட தற்காலிக உடன்படிக்கையின் ஒரு அங்கமாக லெபனானில் போர்நிறுத்தம் பிரகடனப்படுத்தப்பட்ட சில மணித்தியாலங்களிலேயே, இஸ்ரேல் லெபனானின் தெற்குப் பகுதியில் நடத்திய வான்வழித் தாக்குதலில் 10 பேர் உயிரிழந்ததைத் தொடர்ந்தே, ஈரான் இந்த அதிரடி முடிவை எடுத்துள்ளதாக சர்வதேச ஊடகங்கள் தெரிவிக்கின்றன.