களனிவெளி தொடருந்து சேவையில் பாதிப்பு

%E0%AE%95%E0%AE%B3%E0%AE%A9%E0%AE%BF%E0%AE%B5%E0%AF%86%E0%AE%B3%E0%AE%BF+%E0%AE%A4%E0%AF%8A%E0%AE%9F%E0%AE%B0%E0%AF%81%E0%AE%A8%E0%AF%8D%E0%AE%A4%E0%AF%81+%E0%AE%9A%E0%AF%87%E0%AE%B5%E0%AF%88%E0%AE%AF%E0%AE%BF%E0%AE%B2%E0%AF%8D+%E0%AE%AA%E0%AE%BE%E0%AE%A4%E0%AE%BF%E0%AE%AA%E0%AF%8D%E0%AE%AA%E0%AF%81

அவசர திருத்தப் பணிகள் காரணமாக களனிவெளி தொடருந்து மார்க்கத்தின் தொடருந்து சேவைகள் பாதிக்கப்படும் என தொடருந்து திணைக்களம் அறிவித்துள்ளது.

இதன்படி, எதிர்வரும் ஆகஸ்ட் முதலாம் திகதி மாலை 7.00 மணி முதல் ஆகஸ்ட் 2ஆம் திகதி இரவு 8.00 மணி வரை கொழும்பு கோட்டைக்கும் நுகேகொடைக்கும் இடைப்பட்ட தொடருந்து சேவைகள் இயங்காது என தெரிவிக்கப்பட்டுள்ளது.

மேலும், நாரஹேன்பிட்டி - நுகேகொடை தொடருந்து நிலையங்களுக்கு இடைப்பட்ட நாவல - நாரஹேன்பிட்டி வீதி தொடருந்து கடவையும் வாகனப் போக்குவரத்துக்கு மூடப்பட்டிருக்கும்.

இந்த காலகட்டத்தில் சில குறிப்பிட்ட தொடருந்து சேவைகள் மட்டும் மாற்றியமைக்கப்பட்ட நேர அட்டவணையின்படி இயக்கப்படும் என தொடருந்து திணைக்களம் தெரிவித்துள்ளது.

அதற்கமைய, மாற்று வழிகளைப் பயன்படுத்துமாறு வாகன சாரதிகள் அறிவுறுத்தப்பட்டுள்ளதோடு, பொதுமக்களுக்கு ஏற்பட்டுள்ள அசௌகரியங்களுக்குத் திணைக்களம் வருத்தம் தெரிவித்துள்ளது.