ஹட்டனில் வீடொன்றின் மீது மண்மேடு சரிந்து வீழ்ந்து பெண் பலி!

ஹட்டன் - பொல்பிட்டிய, மொரஹேனகம பகுதியில் உள்ள வீடொன்றின் மீது மண்மேடு சரிந்து வீழ்ந்ததில் பெண் ஒருவர் உயிரிழந்துள்ளார்.

இன்று பிற்பகல் பெய்த கடும் மழையுடன் ஏற்பட்ட மண்சரிவே இந்த அனர்த்தத்திற்கு காரணம் என காவல்துறையினர் தெரிவித்துள்ளனர்.

மண்சரிவு ஏற்பட்ட நேரத்தில் வீட்டுக்குள் மேலும் சிலர் இருந்திருக்கலாம் என்ற தகவலின் அடிப்படையில், தேடுதல் மற்றும் மீட்பு நடவடிக்கைகள் உடனடியாக ஆரம்பிக்கப்பட்டுள்ளன.

எனினும், அப்பகுதியில் தொடர்ந்து பெய்து வரும் கடும் மழை காரணமாக மீட்புப் பணிகள் இடையூறுகளை எதிர்கொண்டுள்ளதாக காவல்துறையினர் தெரிவித்துள்ளனர்.