கடும் மழையின் எதிரொலி: ஹட்டன் - கொழும்பு பிரதான வீதியில் ஒரு பகுதி தாழிறங்கும் அபாயம்

இதன் காரணமாக, பாதிக்கப்பட்ட பகுதியில் வாகனப் போக்குவரத்து ஒருவழி பாதையில் மாத்திரமே முன்னெடுக்கப்படுவதாகவும் , ஹட்டன் முதல் கித்துல்கல வரை பயணிக்கும் சாரதிகள் மிகுந்த அவதானத்துடன் வாகனங்களைச் செலுத்துமாறும் அவர் கேட்டுக்கொண்டுள்ளார்.

இதற்கிடையில், ஹட்டன் - போர்டைஸ் வழியாக டயகம செல்லும் வீதியின் எல்பின் தோட்டம் பகுதியில் பாரிய பாறை ஒன்று சரிந்து வீதியில் வீழ்ந்ததால், போக்குவரத்து பாதிக்கப்பட்டிருந்தது.

பின்னர், அக்கரபத்தனை பிரதேச சபை, பிரதேச மக்கள் மற்றும் போக்குவரத்து பணியாளர்களின் ஒத்துழைப்புடன் பாறை அகற்றப்பட்டதைத் தொடர்ந்து, இன்று (06) முதல் அந்த வீதியில் போக்குவரத்து வழமைக்குத் திரும்பியுள்ளது.