நோர்வேயின் புதிய போக்குவரத்து அமைச்சராக கம்சி குணரட்னம் நியமனம்

நோர்வேயின் புதிய போக்குவரத்து அமைச்சராக இலங்கை வம்சாவளியைச் சேர்ந்த கம்சி குணரட்னம் நியமிக்கப்பட்டுள்ளார்.

நோர்வே மன்னர் தலைமையில் நடைபெற்ற அரசாங்க சபைக் கூட்டத்தில், நேற்று இதற்கான உத்தியோகபூர்வ அறிவிப்பு வெளியானது.

பிரதமர் ஜோனாஸ் கார் ஸ்டோரே தலைமையிலான தொழிலாளர் கட்சி அரசாங்கத்தில் அமைச்சராக நியமிக்கப்பட்டுள்ள கம்சி குணரட்னம், நோர்வே அரசியலில் இத்தகைய உயர் பொறுப்பை ஏற்கும் முதலாவது தமிழ் பின்னணி கொண்ட அரசியல்வாதியாவார்.

தனது 19 ஆவது வயதில் ஒஸ்லோ மாநகர சபை உறுப்பினராகத் தேர்வாகி, தொழிலாளர் கட்சி சார்பில் படிப்படியாகத் தேசிய அரசியலில் முன்னேறிய இவர், தற்போது புதிய பொறுப்பின் கீழ் பயணிகள் மற்றும் சரக்கு போக்குவரத்து, அஞ்சல் சேவைகள் தொடர்பான கொள்கை முடிவுகளை வழிநடத்தவுள்ளார்.

மேலும் அமைச்சருக்கான மாநிலச் செயலாளர்களாக Abel Cecilie Knibe Kroglund மற்றும் Jakob Vorren ஆகியோர் நியமிக்கப்பட்டுள்ளனர்.