அமெரிக்காவை 4-1 என்ற கோல் கணக்கில் வீழ்த்தி காலிறுதிக்கு முன்னேறியது பெல்ஜியம்

%E0%AE%85%E0%AE%AE%E0%AF%86%E0%AE%B0%E0%AE%BF%E0%AE%95%E0%AF%8D%E0%AE%95%E0%AE%BE%E0%AE%B5%E0%AF%88+4-1+%E0%AE%8E%E0%AE%A9%E0%AF%8D%E0%AE%B1+%E0%AE%95%E0%AF%8B%E0%AE%B2%E0%AF%8D+%E0%AE%95%E0%AE%A3%E0%AE%95%E0%AF%8D%E0%AE%95%E0%AE%BF%E0%AE%B2%E0%AF%8D+%E0%AE%B5%E0%AF%80%E0%AE%B4%E0%AF%8D%E0%AE%A4%E0%AF%8D%E0%AE%A4%E0%AE%BF+%E0%AE%95%E0%AE%BE%E0%AE%B2%E0%AE%BF%E0%AE%B1%E0%AF%81%E0%AE%A4%E0%AE%BF%E0%AE%95%E0%AF%8D%E0%AE%95%E0%AF%81+%E0%AE%AE%E0%AF%81%E0%AE%A9%E0%AF%8D%E0%AE%A9%E0%AF%87%E0%AE%B1%E0%AE%BF%E0%AE%AF%E0%AE%A4%E0%AF%81+%E0%AE%AA%E0%AF%86%E0%AE%B2%E0%AF%8D%E0%AE%9C%E0%AE%BF%E0%AE%AF%E0%AE%AE%E0%AF%8D

கால்பந்து தொடரின் 16 அணிகளுக்கான சுற்றில், பெல்ஜியம் அணி 4-1 என்ற கோல் கணக்கில் பலத்த எதிர்பார்ப்புக்கு மத்தியில் களமிறங்கிய இணை நடாத்துனரான அமெரிக்காவை வீழ்த்தி அபார வெற்றி பெற்றது.

இந்த போட்டியின் ஆரம்பம் முதலே அதிரடி காட்டிய பெல்ஜியம் அணிக்கு சார்லஸ் டி கெட்டேலேரே (Charles De Ketelaere) 9 ஆவது நிமிடத்திலேயே முதல் கோலை அடித்து முன்னிலை பெற்றுத் தந்தார்.

தொடர்ந்து ஆட்டத்தின் 31 ஆவது நிமிடத்தில் அமெரிக்க அணியின் மாலிக் டில்மேன் (Malik Tillman) அபாரமாக ஒரு கோல் அடித்து ஆட்டத்தை சமநிலைக்கு கொண்டு வந்தார்.

எனினும், அடுத்த 116 விநாடிகளுக்குள் சார்லஸ் டி கெட்டேலேரே மீண்டும் ஒரு ஹெடர் கோல் அடித்து பெல்ஜியத்தின் முன்னிலையை 2-1 என உறுதி செய்தார்.

ஆட்டத்தின் இரண்டாம் பாதியிலும் பெல்ஜியத்தின் ஆதிக்கம் தொடர்ந்தது.

57 ஆவது நிமிடத்தில் அமெரிக்க இலக்குக் காப்பாளரின் தவறான நகர்வை சாதகமாக்கிக் கொண்ட ஹான்ஸ் வனகென் (Hans Vanaken) பெல்ஜியம் அணியின் மூன்றாவது கோலை பதிவு செய்தார்.

இதனைத் தொடர்ந்து ஆட்டத்தின் மேலதிக நேரத்தில் மாற்று வீரராக களம் புகுந்த நட்சத்திர வீரர் ரொமேலு லுகாகு (Romelu Lukaku) ஒரு அபாரமான கோலை அடித்து பெல்ஜியத்தின் வெற்றியை 4-1 என உறுதி செய்தார்.

இந்த வெற்றியின் மூலம் அமெரிக்க அணி தொடரிலிருந்து வெளியேற்றப்பட்டுள்ளதுடன், பெல்ஜியம் அணி காலிறுதிப் போட்டியில் ஸ்பெயின் அணியை எதிர்கொள்ள தகுதி பெற்றுள்ளது.