සටන් විරාමය පවතින ඉදිරි කාලසීමාව තුළ හෝමූස් සමුද්‍ර සන්ධිය වාණිජ නෞකා සඳහා විවෘත වෙයි

ලෙබනනයේ ක්‍රියාත්මක සටන් විරාමයට සමගාමීව, හෝමූස් සමුද්‍ර සන්ධිය (Strait of Hormuz) හරහා සියලුම වාණිජ නෞකා ගමනාගමනය සඳහා පූර්ණ අවසර ලබාදීමට ඉරානය තීරණය කර තිබෙනවා.

ඉරාන විදේශ අමාත්‍යවරයා සඳහන් කළේ සටන් විරාමය පවතින ඉදිරි කාලසීමාව තුළ මෙම සහනය හිමිවන බවයි.

ඒ අනුව ඉරාන වරාය සහ සමුද්‍රීය සංවිධානය විසින් දැනටමත් ප්‍රකාශයට පත් කර ඇති සම්බන්ධීකරණ මුහුදු මාර්ග ඔස්සේ නෞකා ගමනාගමනය සිදු කළ හැකි බව එරට රජය වැඩිදුරටත් අවධාරණය කරනවා.