ඉරාන සාකච්ඡා නැවතූ බව ට්‍රම්ප් තහවුරු කරයි

%E0%B6%89%E0%B6%BB%E0%B7%8F%E0%B6%B1+%E0%B7%83%E0%B7%8F%E0%B6%9A%E0%B6%A0%E0%B7%8A%E0%B6%A1%E0%B7%8F+%E0%B6%B1%E0%B7%90%E0%B7%80%E0%B6%AD%E0%B7%96+%E0%B6%B6%E0%B7%80+%E0%B6%A7%E0%B7%8A%E2%80%8D%E0%B6%BB%E0%B6%B8%E0%B7%8A%E0%B6%B4%E0%B7%8A+%E0%B6%AD%E0%B7%84%E0%B7%80%E0%B7%94%E0%B6%BB%E0%B7%94+%E0%B6%9A%E0%B6%BB%E0%B6%BA%E0%B7%92

ඉරාන නියෝජිතයින් හමුවීම සඳහා ඇමරිකානු දූත පිරිසක් පකිස්ථානයේ ඉස්ලාමාබාද් නුවර බලා යාමට නියමිතව තිබූ ගමන තමා විසින් අවලංගු කළ බව ඇමරිකානු ජනාධිපති ඩොනල්ඩ් ට්‍රම්ප් තහවුරු කර තිබෙනවා.

ඔහු සිය 'ටෘත් සෝෂල්' (Truth Social) ගිණුමේ සටහනක් තබමින් ප්‍රකාශ කර ඇත්තේ, මෙම ගමන සඳහා අධික කාලයක් වැය වන අතර එය නිශ්ඵල කාර්යයක් බවයි.

ඉරාන නායකත්වය තුල මේ වන විට දැඩි අභ්‍යන්තර ගැටුම් සහ ව්‍යාකූලත්වයක් පවතින බව පවසන ට්‍රම්ප්, එරට පාලනය මෙහෙයවන්නේ කවුරුන්ද යන්න පිළිබඳව ඉරාන බලධාරීන් පවා නොදන්නා බවට චෝදනා කර තිබෙනවා.

"සියලු තුරුම්පු තිබෙන්නේ අප සතුවයි, ඔවුන් සතුව කිසිවක් නැහැ. ඔවුන්ට සාකච්ඡා කිරීමට අවශ්‍ය නම් කළ යුත්තේ අපට දුරකථන ඇමතුමක් ලබා දීම පමණයි," යනුවෙන් ජනාධිපතිවරයා එම සටහනේ වැඩිදුරටත් සඳහන් කරනවා.

මෙම තීරණයත් සමඟ මීට පෙර පකිස්ථානයේදී පැවැත්වීමට සැලසුම් කර තිබූ ඉරාන - ඇමරිකානු දූත මට්ටමේ සාකච්ඡා සම්පූර්ණයෙන්ම ඇනහිට තිබෙන බවයි වාර්තා වන්නේ.