කපිල චන්ද්‍රසේනට වරෙන්තු

%E0%B6%9A%E0%B6%B4%E0%B7%92%E0%B6%BD+%E0%B6%A0%E0%B6%B1%E0%B7%8A%E0%B6%AF%E0%B7%8A%E2%80%8D%E0%B6%BB%E0%B7%83%E0%B7%9A%E0%B6%B1%E0%B6%A7+%E0%B7%80%E0%B6%BB%E0%B7%99%E0%B6%B1%E0%B7%8A%E0%B6%AD%E0%B7%94

ශ්‍රී ලංකන් ගුවන් සමාගමේ හිටපු ප්‍රධාන විධායක නිලධාරී කපිල චන්ද්‍රසේන වහාම අත්අඩංගුවට ගෙන අධිකරණයට ඉදිරිපත් කරන ලෙස කොළඹ ප්‍රධාන මහේස්ත්‍රාත් අසංග එස්. බෝදරගම අද (07) වරෙන්තු නිකුත් කළා.

එයාර් බස් ගුවන් යානා මිලදී ගැනීමේදී සිදුවූ බව කියන ඇමරිකානු ඩොලර් මිලියන 2ක අල්ලස් සිද්ධියට අදාළව ඇප මත මුදාහැර සිටි සැකකරු, අධිකරණය පැනවූ ඇප කොන්දේසි උල්ලංඝනය කර ඇති බවට කරුණු තහවුරු වීම හේතුවෙන් මෙම නියෝගය නිකුත් කෙරුණා.

මෙම සැකකරුගේ ඇප අවලංගු කර වරෙන්තු නිකුත් කරන ලෙසට අල්ලස් කොමිසම අද (07) පෙරවරුවේ මෝසමක් මගින් අධිකරණයෙන් කළ ඉල්ලීම සැලකිල්ලට ගත් මහේස්ත්‍රාත්වරයා මෙම නියෝගය නිකුත් කළා.

සැකකරුට ඇප ලබාදීමේදී ඉදිරිපත් කළ ඇපකරුවන් දෙදෙනෙකු සම්බන්ධයෙන් ඇති වූ සැකය මත සිදුකළ විමර්ශනයකදී අනාවරණය වී ඇත්තේ ඔවුන් මුදලට පෙනී සිටි ව්‍යාජ ඇපකරුවන් බවයි.

රුපියල් 15,000ක මුදලකට පෙනී සිටි බව කියන මොහොමඩ් රිස්වාන් සහ මොහොමඩ් ඉර්ෂාන් යන අය සැකකරු සමඟ කිසිදු පෞද්ගලික දැන හැඳුනුම්කමක් නොමැති බවත්, ඔවුන්ට ස්ථිර රැකියාවක් හෝ ආදායම් මාර්ගයක් නොමැති බවත් පොලිසිය අධිකරණයට දන්වා තිබුණා.

සිද්ධියට අදාළ ව්‍යාජ ඇපකරුවන් දෙදෙනා ලබන මැයි 13 වනදා දක්වා රක්ෂිත බන්ධනාගාරගත කර ඇත.