ලාෆ් ගෑස්වලින් උයන ආපනශාලාවල රයිස් මිල රුපියල් 25කින් සහ කිරි තේ මිල රුපියල් 10කින් ඉහළට

%E0%B6%BD%E0%B7%8F%E0%B7%86%E0%B7%8A+%E0%B6%9C%E0%B7%91%E0%B7%83%E0%B7%8A%E0%B7%80%E0%B6%BD%E0%B7%92%E0%B6%B1%E0%B7%8A+%E0%B6%8B%E0%B6%BA%E0%B6%B1+%E0%B6%86%E0%B6%B4%E0%B6%B1%E0%B7%81%E0%B7%8F%E0%B6%BD%E0%B7%8F%E0%B7%80%E0%B6%BD+%E0%B6%BB%E0%B6%BA%E0%B7%92%E0%B7%83%E0%B7%8A+%E0%B6%B8%E0%B7%92%E0%B6%BD+%E0%B6%BB%E0%B7%94%E0%B6%B4%E0%B7%92%E0%B6%BA%E0%B6%BD%E0%B7%8A+25%E0%B6%9A%E0%B7%92%E0%B6%B1%E0%B7%8A+%E0%B7%83%E0%B7%84+%E0%B6%9A%E0%B7%92%E0%B6%BB%E0%B7%92+%E0%B6%AD%E0%B7%9A+%E0%B6%B8%E0%B7%92%E0%B6%BD+%E0%B6%BB%E0%B7%94%E0%B6%B4%E0%B7%92%E0%B6%BA%E0%B6%BD%E0%B7%8A+10%E0%B6%9A%E0%B7%92%E0%B6%B1%E0%B7%8A+%E0%B6%89%E0%B7%84%E0%B7%85%E0%B6%A7

රයිස්, බුරියානි සහ නාසිගුරාන් මිල අද (07) මධ්‍යම රාත්‍රියේ සිට රුපියල් 25.00කින් ඉහළ දැමීමට තීරණය කළ බව සමස්ත ලංකා ආපනශාලා සහ අවන්හල් හිමියන්ගේ සංගමයේ සභාපති හර්ෂණ රුක්ෂාන් පවසනවා.

ඔවුන් මෙම තීරණය ගෙන ඇත්තේ, ඊයේ (06) මධ්‍යම රාත්‍රියේ සිට ලාෆ් ගෑස් සිලින්ඩරයක මිල ඉහළ යෑම හේතුවෙන්.

එසේම සභාපතිවරයා සඳහන් කරන්නේ, තේ කෝප්පයක මිල රුපියල් 5.00කින් ද, කිරි තේ කෝප්පයක මිල රුපියල් 10.00කින් සහ කෙටි ආහාර මිල රුපියල් 5.00කින් ද ඉහළ දැමීමට කටයුතු කරන බවයි.

සිය ජාලය තුළ ලාෆ් ගෑස් භාවිත කරන ආපනශාලා සහ අවන්හල් සියයට 25ත් 30ත් අතර පවතින බවයි ඔහු කියා සිටියේ.

එසේම මෙරට ඉතිහාසයේ ගෑස් මිල රුපියල් 6,000කට ඉහළ ගිය ප්‍රථම වතාව මෙය බවටයි සභාපතිවරයා චෝදනා කරන්නේ.

මේ හේතුවෙන් මෙරට ආපනශාලා කර්මාන්තයට දැඩි හානියක් සිදුව ඇති බවත්, ගෘහණිය දැඩි අගතියට පත්ව ඇති බවත්, සභාපතිවරයා වැඩිදුරටත් සඳහන් කරනවා.