තමිල්නාඩු මහ ඇමති ලෙස විජේ පත් කෙරේ: දිවුරුම් දීම හෙට

තමිල්නාඩු ප්‍රාන්තයේ නව මහ ඇමතිවරයා ලෙස තමිලග වෙන්ට්‍රි කළගම් (TVK) පක්ෂයේ නායක, සුපිරි නළු විජේ පත් කිරීමට ප්‍රාන්ත ආණ්ඩුකාරවරයා පියවර ගෙන තිබෙනවා.

තමිල්නාඩු ආණ්ඩුකාර කාර්යාලය නිකුත් කළ නිල නිවේදනයකට අනුව, නව මහ ඇමතිවරයාගේ දිවුරුම් දීමේ උත්සවය හෙට (10) ඉන්දීය වේලාවෙන් පෙරවරු 10.00 ට චෙන්නායිහි පිහිටි ජවහර්ලාල් නේරු ගෘහස්ථ ක්‍රීඩාංගනයේදී පැවැත්වෙනු ඇති.

සෙසු පක්ෂ 5ක සහයෝගය ද සහිතව මන්ත්‍රීවරුන් 120ක බහුතර බලයක් තහවුරු කර ගැනීමෙන් පසු විජේ විසින් රජයක් පිහිටුවීමට කළ ඉල්ලීම සලකා බැලූ ආණ්ඩුකාරවරයා මෙම පත් කිරීම සිදු කර තිබෙනවා.

දශක ගණනාවක් තමිල්නාඩු දේශපාලනය හෙබවූ ප්‍රධාන දේශපාලන ධාරාවන් අභිබවා විජේ ලබාගත් මෙම ජයග්‍රහණය ඉන්දීය දේශපාලනයේ දැවැන්ත පෙරළියක් ලෙසයි සැලකෙන්නේ.