යේමනයේ සියලුම ගුවන් තොටුපළවල් වහාම වසා දැමීමට රජයෙන් නියෝග

ඉරාන ගුවන් යානයක් සානා (Sanaa) අගනුවරට ගොඩබැස්වීම වැළැක්වීම සඳහා එල්ල කළ ප්‍රහාරයෙන් පසුව, යේමනයේ ජාත්‍යන්තරව පිළිගත් නිල රජය විසින් රට තුළ ඇති සියලුම ගුවන් තොටුපළවල් වහාම ක්‍රියාත්මක වන පරිදි වසා දැමීමට නියෝග කර ඇති බව විදෙස් මාධ්‍ය වාර්තා කරනවා.

කෙසේ වෙතත්, ඉරානයේ සහය ලබන හූති (Houthi) සටන්කාමීන් ප්‍රකාශ කරන්නේ අදාළ ඉරාන ගුවන් යානය සාර්ථකව ගොඩබස්වා ඇති බවයි.

යේමන සිවිල් ගුවන් සේවා සහ කාලගුණ විද්‍යා අධිකාරිය (CAMA) විසින් ඔවුන්ගේ නිල ෆේස්බුක් පිටුවේ විශේෂ නිවේදනයක් නිකුත් කරමින්, නැවත දැනුම් දෙනතුරු සියලුම ගුවන් තොටුපළවල් වසා ඇති බව නිවේදනය කරනවා.

"යේමන ජනරජයේ ගුවන් තොටුපළවල් වෙත සහ ඉන් පිටතට ගුවන් ගමන් මෙහෙයවනු ලබන සියලුම ගුවන් සේවාවන් සහ ජාත්‍යන්තර සංවිධාන වෙත මෙයින් දැනුම් දෙනු ලබන්නේ, වහාම ක්‍රියාත්මක වන පරිදි නැවත දැනුම් දෙනතුරු යේමන ජනරජයේ සියලුම ගුවන් තොටුපළවල් වසා දමා ඇති බවයි." යනුවෙන් එහි සඳහන්.