ප්‍රධාන ගෑස් නල මාර්ගය ගැන රුසියාව සහ චීනය එකඟතාවයකට

පවර් ඔෆ් සයිබීරියා 2 (Power of Siberia 2) නල මාර්ගය සම්බන්ධයෙන් රුසියාව සහ චීනය පොදු එකඟතාවයකට පැමිණ ඇති බව BBC පුවත් සේවය සඳහන් කරනවා.

මෙම දැවැන්ත ව්‍යාපෘතිය සාර්ථකව නිම කළහොත්, ඒ හරහා වාර්ෂිකව ගෑස් ඝන මීටර් බිලියන 50ක් දක්වා ප්‍රමාණයක් චීනයට ප්‍රවාහනය කිරීමට හැකියාව ලැබෙනු ඇති.

රුසියානු රාජ්‍ය ප්‍රවෘත්ති ආයතනයක් වන RIA Novosti වාර්තා කරන පරිදි, ව්ලැඩිමීර් පුටින් ජනාධිපතිවරයාගේ මාධ්‍ය ලේකම් දිමිත්‍රි පෙස්කොව් මාධ්‍යවේදීන්ට පවසා ඇත්තේ, නිරාකරණය කර ගැනීමට තවමත් සුළු කරුණු කිහිපයක් ඉතිරිව තිබුණද, මේ වන විටත් පොදු අවබෝධයක් ගොඩනැඟී ඇති බවයි.

නල මාර්ගය ගමන් ගන්නා මාර්ගය සහ එය ඉදිකරන ක්‍රමවේදය ද මෙම එකඟතාවයට ඇතුළත් බව ඔහු වැඩිදුරටත් ප්‍රකාශ කර ඇති බව සඳහන්.

කෙසේ වෙතත්, මේ පිළිබඳව වෙනත් අමතර තොරතුරු හෝ මෙය සිදු කෙරෙන කාලසීමාවන් මෙතෙක් ප්‍රකාශයට පත් කර නොමැත.

-BBC-