චීනයේ ගල් අඟුරු පතලක සිදුවූ පිපිරීමෙන් මියගිය ගණන 90 දක්වා ඉහළට

%E0%B6%A0%E0%B7%93%E0%B6%B1%E0%B6%BA%E0%B7%9A+%E0%B6%9C%E0%B6%BD%E0%B7%8A+%E0%B6%85%E0%B6%9F%E0%B7%94%E0%B6%BB%E0%B7%94+%E0%B6%B4%E0%B6%AD%E0%B6%BD%E0%B6%9A+%E0%B7%83%E0%B7%92%E0%B6%AF%E0%B7%94%E0%B7%80%E0%B7%96+%E0%B6%B4%E0%B7%92%E0%B6%B4%E0%B7%92%E0%B6%BB%E0%B7%93%E0%B6%B8%E0%B7%99%E0%B6%B1%E0%B7%8A+%E0%B6%B8%E0%B7%92%E0%B6%BA%E0%B6%9C%E0%B7%92%E0%B6%BA+%E0%B6%9C%E0%B6%AB%E0%B6%B1+90+%E0%B6%AF%E0%B6%9A%E0%B7%8A%E0%B7%80%E0%B7%8F+%E0%B6%89%E0%B7%84%E0%B7%85%E0%B6%A7

උතුරු චීනයේ ගල් අඟුරු පතලේ සිදුවූ පිපිරීමෙන් මියගිය ගණන 90 දක්වා ඉහළ ගොස් තිබෙනවා.

මෙම ගෑස් පිපිරීම සිදුව ඇත්තේ ෂැන්සි (Shanxi) ප්‍රාන්තයේ, තොන්ෂු (Tongzhou) සමූහය විසින් පවත්වාගෙන යනු ලබන ලියුෂෙන්යු (Liushenyu) ගල් අඟුරු පතලේයි.

සහන සේවකයින් සිය ගණනක් මේ වන විට අනතුර සිදුවූ ස්ථානයට යවා ඇති බවයි විදෙස් මාධ්‍ය සඳහන් කරන්නේ.

රාජ්‍ය මාධ්‍යවල දර්ශන මගින් පෙනී යන්නේ පසුබිමෙන් ගිලන්රථ නවතා තිබියදී, වෛද්‍ය සහායකයින් විසින් තුවාලකරුවන් ඇඳන් මත තබා රැගෙන යන ආකාරයයි.

පුද්ගලයින් 100කට වැඩි පිරිසක් රෝහල් ගත කර ඇති බව පැවසෙන අතර, එම ස්ථානයේ මුදවා ගැනීමේ කටයුතු තවමත් ක්‍රියාත්මකයි.

මෙම පිපිරීම ඊයේ (22) එරට වේලාවෙන් රාත්‍රී 19:29ට පමණ ෂැන්සි හි ගල් අඟුරු පතලක සිදුව ඇති අතර, අනතුර සිදුවන අවස්ථාවේදී සේවකයින් 247 දෙනෙකු සේවයේ නියුතුව සිටි බව වාර්තා වෙනවා.

මූලාශ්‍රය | BBC