ඉන්දියාවේ ''ටෙලිග්‍රෑම්'' ජුනි 22 දක්වා අවහිර කෙරේ

%E0%B6%89%E0%B6%B1%E0%B7%8A%E0%B6%AF%E0%B7%92%E0%B6%BA%E0%B7%8F%E0%B7%80%E0%B7%9A+%27%27%E0%B6%A7%E0%B7%99%E0%B6%BD%E0%B7%92%E0%B6%9C%E0%B7%8A%E2%80%8D%E0%B6%BB%E0%B7%91%E0%B6%B8%E0%B7%8A%27%27+%E0%B6%A2%E0%B7%94%E0%B6%B1%E0%B7%92+22+%E0%B6%AF%E0%B6%9A%E0%B7%8A%E0%B7%80%E0%B7%8F+%E0%B6%85%E0%B7%80%E0%B7%84%E0%B7%92%E0%B6%BB+%E0%B6%9A%E0%B7%99%E0%B6%BB%E0%B7%9A

ඉන්දියාවේ වෛද්‍ය ප්‍රවේශ විභාගයට පෙනී සිටින අපේක්ෂකයින් මුළා කරමින් සිදුවන සංවිධානාත්මක විභාග වංචා වැළැක්වීම සඳහා එළඹෙන ජුනි 22 වැනිදා දක්වා ක්‍රියාත්මක වන පරිදි ‘ටෙලිග්‍රෑම්’ (Telegram) සමාජ මාධ්‍ය යෙදවුම ඉන්දියාව තුළ වහාම ක්‍රියාත්මක වන පරිදි අවහිර කිරීමට එරට රජය පියවර ගෙන ඇති බව රොයිටර්ස් පුවත් සේවය වාර්තා කරනවා.

ඉන්දීය අධ්‍යාපන අමාත්‍යාංශය නිවේදනයක් නිකුත් කරමින් කියා සිටියේ, මෙම තහනම නිශ්චිත සහ සීමිත කාලසීමාවක් සඳහා පමණක් පනවා ඇති බවයි.

ඉන්දියාවේ ස්වෛරීභාවය සහ අඛණ්ඩතාව සුරැකීම උදෙසා අන්තර්ජාල වෙබ් අඩවි හෝ යෙදවුම් අවහිර කිරීමට රජයට බලය පවරන දැඩි තොරතුරු තාක්ෂණ නීතිමය ප්‍රතිපාදනයක් (IT Law) යටතේ මෙම තහනම පනවා තිබෙනවා.

වෛද්‍ය ප්‍රවේශ විභාගයේ ප්‍රශ්න පත්‍ර කල්තියා පිටකිරීම සහ අපේක්ෂකයින් මුළා කිරීම සඳහා විවිධ වංචනික කල්ලි විසින් ටෙලිග්‍රෑම් වේදිකාව සංවිධානාත්මකව භාවිත කිරීම මීට හේතුව වී ඇති බවයි සඳහන් වෙන්නේ.

පසුගිය මාසයේදී පවත්වන ලද, 'ජාතික සුදුසුකම් සහ ප්‍රවේශ පරීක්ෂණය' (NEET) නමැති ප්‍රධාන වෛද්‍ය උපාධි ප්‍රවේශ විභාගයේ ප්‍රශ්න පත්‍ර කලින්ම පිටවී ඇති බව බලධාරීන් අනාවරණය කර ගැනීමත් සමඟ සමස්ත විභාගයම අවලංගු කිරීමට ඉන්දීය රජයට සිදුවුණා.

ඒ අනුව, නැවත පවත්වනු ලබන නව විභාගය එළඹෙන ජූනි 21 වැනිදා පැවැත්වීමට සියලු කටයුතු සූදානම් කර තිබෙනවා.

"ජූනි 21 වැනිදා පැවැත්වීමට නියමිත NEET 2026 ප්‍රති-විභාගයට පෙනී සිටින අපේක්ෂකයින් මුළා කිරීම සඳහා වංචනික කල්ලි විසින් මෙම සමාජ මාධ්‍ය වේදිකාව සංවිධානාත්මකව භාවිත කිරීමට ප්‍රතිචාර වශයෙන් මෙම දැඩි පියවර ගත්තා," යැයි අධ්‍යාපන අමාත්‍යාංශයේ ජාතික පරීක්ෂණ ඒජන්සිය (NTA) පවසා ඇති බවයි විදෙස් මාධ්‍ය පවසන්නේ.

කෙසේ වෙතත්, ඉන්දීය රජයේ මෙම ක්ෂණික තහනම පිළිබඳව අදහස් දැක්වීම සඳහා ටෙලිග්‍රෑම් (Telegram) සමාගම මෙතෙක් කිසිදු නිල ප්‍රතිචාරයක් දක්වා නැහැ.