නීති විරෝධීව ඕස්ට්‍රේලියාවට යෑමට තැත් කළ පුද්ගලයන් නව දෙනෙකුට දඩ

නීති විරෝධීව ඕස්ට්‍රේලියාවට යෑමට තැත් කළ සැකකරුවන් නව දෙනෙකු අධිකරණයේදී වරද පිළිගැනීම හේතුවෙන් එක් එක් සැකකරුවෙකුට රුපියල් 50,000/= බැගින් වූ දඩ මුදලක් කොළඹ අතිරේක මහේස්ත්‍රාත් ලහිරු සිල්වා අද(13) නියම කළා.

එම දඩ මුදල් නොගවන්නේ නම් මාස තුනක ලිහිල් සිර දඬුවම් නියම කරන බව ද මහේස්ත්‍රාත්වරයා එහිදි ඔවුන්ට දන්වා සිටියා.

තවද මෙම සැකකරුවන්ට මාස පහක සිර දඬුවමක් නියම කළ මහේස්ත්‍රාත්වරයා එය වසර පහකට අත්හිටුවන ලෙස අධිකරණයේදී නියම කළා.