මාළු ටැංකියට ගල් එකතු කරන්න ගිය සිසුවාගේ සිරුර ආග්‍රාඔයෙන් හමුවේ

ලිදුල පොලිස් වසමට අයත් ලිදුල අපර කන්ද වතුයායේ පිහිටි පෞද්ගලික විදුලි බලාගාරයක් අසළින් ගලා බසින ආග්‍රාඔයේ මාළු ටැංකියට ගල් එකතු කිරිමට ගොස් අතුරුදන් වූ පාසල් සිසුවාගේ සිරුර නුවරඑළිය කොට්ඨාශ පොලිස් ජීවිතාරක්ෂක බලකායේ නිළධාරින් විසින් (14) දින දහවල් ගොඩගෙන තිබෙනවා.

මෙසේ ගොඩ ගනු ලැබූවේ, සරස්වති දෙමළ මහා විද්‍යාලයේ 10 වසරේ ඉගෙනුම ලබන පරමානන්දන් කිසෝක් නැමති 14 හැවිරිදි පාසල් සිසුවෙක්.

ලිදුල පොලිස් වසමට අයත් ලිදුල අපරකන්ද වතුයායේ පිහිටි පෞද්ගලික ජල විදුලි බලාගාරයක් අසළින් ගලා බසින ආග්‍රාඔයේ මාළු ටැංකියට ගල් එකතු කිරිමට ගිය පාසල් සිසුවා එම ඔයේ ගිලි (13) දින දියේ ගිලි ඇති අතර, එම සිසුවා සොයා පොලිසිය සහ ප්‍රදේශවාසීන් එක්ව මෙහෙයුමක් දියත් කලද, එය ව්‍යර්ථ වූ නිසා අතුරුදහන් වූ සිසුවාගේ සිරුර සොයා ගැනීමට නොහැකි වුනා.

මියගිය සිසුවා ඊයේ (13) තවත් සිසුන් 09 දෙනෙකු සමග පාසල නිමි වි ආග්‍රාඔයේ මාළු ටැංකියට දැමීම සදහා ගල් එකතු කිරිමට ගොස් දිය නාමින් සිටියදී එක් වරම සිසුවා දියේ ගිලි අතුරුදහන් වී ඇති බවයි පොලිසිය කියා සිටියේ.

ගොඩ ගත් සිරුර පශ්චාත් මරණ පරික්ෂණය සදහා නුවරඑලිය දිස්ත්‍රික් මහ රෝහලේ විශේෂඥ අධිකරණ වෛද්‍යවරයා වෙත යොමු කරන බව සිද්ධිය සම්බන්ධයෙන් පරික්ෂණ පවත්වන ලිදුල පොලිසියේ නිළධාරියෙකු පවසා සිටියේ.