ලෝකේ ලොකුම යූටියුබ් තරුව MrBeast තියා බූයිසන් සමග අලුත් පොතක් ලියයි

ලොව වැඩිම යූටියුබ් සබ්ස්ක්‍රයිබර්ස්ලා සංඛ්‍යාවක් සිටින ජනප්‍රිය යූටියුබ් අන්තර්ගත නිර්මාණකරු MrBeast (ජිමී ඩොනල්ඩ්සන් - Jimmy Donaldson) සිය දීර්ඝකාලීන පෙම්වතිය වන දකුණු අප්‍රිකානු නිර්මාණකාරිනියක සහ ලේඛිකාවක වන තියා බූයිසන් (Thea Booysen) සමග විවාහ වී තිබෙනවා.

බ්‍රිතාන්‍ය වර්ජින් දූපත් හි පිහිටි සර් රිචඩ් බ්‍රැන්සන්ගේ (Richard Branson) නෙකර් දූපතේදී (Necker Island) මෙම විවාහ මංගල්‍යය පැවැත්වුණා.

පවුලේ සමීපතමයන් සහ මිතුරන් 70 දෙනෙකුගේ සහභාගීත්වයෙන් පැවැති මෙම පෞද්ගලික උත්සවයේ ඡායාරූප ඉන්ස්ටග්‍රෑම් හි ප්‍රසිද්ධ කරමින් ජිමී සඳහන් කළේ "I found MrsBeast... And it was the best day of my life" (මට MrsBeast හමුවුණා, එය මගේ ජීවිතයේ හොඳම දිනයයි) යනුවෙන්.

මොවුන් දෙදෙනා ප්‍රථමයෙන්ම 2022 වසරේදී දකුණු අප්‍රිකාවේදී හමුවී ඇති අතර, 2024 නත්තල් දිනයේදී ගිවිසගෙන තිබුණා.

28 හැවිරිදි තියා බූයිසන් යනු අන්තර්ජාල වීඩියෝ ක්‍රීඩා (Gaming) අන්තර්ගත නිර්මාණකාරිනියක මෙන්ම "The Marked Children" නැමැති ජනප්‍රිය නවකතාවේ කතුවරිය ද වෙනවා.