තීරුබදු අඩු කිරීමේ විධිවිධාන සම්බන්ධයෙන් චීන-අමෙරිකානු සාකච්ඡා

තීරුබදු අඩු කිරීමේ විධිවිධාන සම්බන්ධයෙන් චීනය හා අමෙරිකාව අදහස් හුවමාරු කරමින් සිටින බවත්, එය හැකි ඉක්මනින් ක්‍රියාත්මක කිරීමට වැඩි උත්සාහයක් ගනිමින් සිටින බවත්, චීන වාණිජ අමාත්‍යාංශයේ විදේශ ආයෝජන දෙපාර්තමේන්තු ප්‍රධානී Meng Huating ඊයේ(23) පැවති මාධ්‍ය හමුවේදී ප්‍රකාශ කළා.

වර්තමානයේ චීන-අමෙරිකානු ආර්ථික වෙළෙඳ කණ්ඩායම්, වෙළෙඳ කවුන්සිලයේ ව්‍යුහය, කාර්යයන් සහ මෙහෙයුම් ආකෘතිය යනාදියට අදාළ විධිවිධාන සම්බන්ධයෙන් සමීප සංවාද පවත්වනවා.

එමෙන්ම අමෙරිකානු ඩොලර් බිලියන 30ක පමණ අන්‍යෝන්‍ය තීරුබදු අඩු කිරීමට අදාළ රාමුවක් ඉදිරියට ගෙන යාම පිළිබඳව දෙපාර්ශ්වය සාකච්ඡා කරමින් සිටින බව ද ඇය සඳහන් කළා.

එහිදී අදාළ තීරුබදු අඩු කිරීම සම්බන්ධයෙන් චීනය, දේශීය ව්‍යවසායන්, කර්මාන්ත සංගම්, ප්‍රාදේශීය රජයන්, අමෙරිකාව ආයෝජන කරනු ලබන ව්‍යවසායන් හා සංගම් යන ලාභ හා සම්බන්ධ පාර්ශ්වයන්ගෙන් පූර්ණ අදහස් විමසා බැලීම් ක්‍රියාත්මක කරන බවයි ඇය පැවසුවේ.

එසේම අමෙරිකාව අදාළ විධිවිධාන කෙරෙහි ජන මත විමසීමට ද ක්‍රියාත්මක කරමින් සිටින බව වාර්තා වනවා.

එමෙන්ම දෙරට අතර ද්විපාර්ශ්වික වෙළඳාම තවදුරටත් පුළුල් කිරීම සඳහා දෙපාර්ශ්වයම සමීප සංවාද පවත්වා ගනිමින් අදාළ නිෂ්පාදන සඳහා වන තීරුබදු අඩු කිරීමේ විධිවිධාන නියම කිරීමට ද අපේක්ෂා කරනවා.