ඉන්ධන මිල ඉහළ යාම සහ ගුවන් යානා හිඟය හමුවේ ගෝලීය ගුවන් සේවා ක්ෂේත්‍රය දැඩි අර්බුදයක

ගෝලීය ගුවන් සේවා ප්‍රධානීන්ගේ වාර්ෂික සමුළුව බ්‍රසීලයේ රියෝ ද ජැනයිරෝ නුවරදී ආරම්භ වී ඇති බව විදෙස් මාධ්‍ය වාර්තා කරනවා.

ජුනි 6 සිට 8 දක්වා පැවැත්වෙන ජාත්‍යන්තර ගුවන් ප්‍රවාහන සංගමයේ (IATA) මෙම වාර්ෂික මහා සභාව කැඳවා ඇත්තේ, ඉන්ධන අර්බුදය මෙන්ම ගුවන් සමාගම්වලට ඉක්මනින් විසඳාගත නොහැකි තවත් ප්‍රධාන ගැටලුවක් වන නව ගුවන් යානා හිඟය ද මතු වී ඇති මොහොතකයි.

මෙහිදී, බෝයිං (Boeing) සහ එයාර්බස් (Airbus) සමාගම්වල ගුවන් යානා සැපයීමේ ප්‍රමාදයන් හේතුවෙන්, පැරණි සහ ඉන්ධන කාර්යක්ෂමතාවයෙන් අඩු ජෙට් යානා වැඩි කාලයක් සේවයේ යෙදවීමට ගුවන් සමාගම්වලට සිදුව තිබෙනවා.

ලෝකයේ සමස්ත ගුවන් ගමන්වලින් 85%කට හිමිකම් කියන ගුවන් සේවා 370කට අධික ප්‍රමාණයක් නියෝජනය කරන IATA සංවිධානය, මෙම යුද තත්ත්වයට පෙර පුරෝකථනය කර තිබුණේ ගුවන් ක්ෂේත්‍රය මෙරට වසරේදී ඩොලර් බිලියන 41ක වාර්තාගත ශුද්ධ ලාභයක් ලබනු ඇති බවයි.

කෙසේ වෙතත්, වත්මන් තත්ත්වය හමුවේ එම අපේක්ෂිත ලාභය පිළිබඳ පුරෝකථනයන් මෙම සමුළුවේදී පහත හෙළනු ඇතැයි විධායක නිලධාරීන් සහ විශ්ලේෂකයෝ විශ්වාස කරන බවයි විදෙස් මාධ්‍ය වාර්තා කරන්නේ.

ගෝලීය ගුවන් සේවා ප්‍රධාන විධායක නිලධාරීන් (CEOs) 21 දෙනෙකු ඇසුරින් ඩෙලොයිට් (Deloitte) ආයතනය සිදුකළ සමීක්ෂණයකට අනුව, ඉන්ධන මිලෙහි උච්චාවචනය සහ උද්ධමනය වත්මන් ක්ෂේත්‍රයේ ප්‍රධානතම අවදානම් බවට පත්ව තිබෙනවා.

මූලාශ්‍රය - රොයිටර්ස්