2026 ලෝක කුසලානයේ පළමු ගෝලය මෙක්සිකෝවේ කිනෝනස්ගෙන්

මුළු මහත් ලෝකයේම අවධානය දිනාගනිමින් ආරම්භ වූ 2026 FIFA ලෝක කුසලාන පාපන්දු තරගාවලියේ පළමු ගෝලයේ අයිතිකරුවා වීමට මෙක්සිකෝ කණ්ඩායමේ ප්‍රබල ඉදිරිපෙළ ක්‍රීඩක ජුලියන් කිනෝනස් (Julián Quiñones) මීට නොබෝ වේලාවකට පෙර සමත් වුණා.

සත්කාරක මෙක්සිකෝව සහ දකුණු අප්‍රිකාව අතර පැවැත්වෙන මෙම අතිශය උණුසුම් සමාරම්භක තරගයේ ආරම්භයේදීම, එනම් 9 වැනි මිනිත්තුවේදීම දකුණු අප්‍රිකානු පසුපෙළ ආරක්ෂක වළල්ල බිඳ දමමින් කිනෝනස් මෙම සුපිරි ගෝලය වාර්තා කළා.

කිනෝනස්ගේ මෙම ක්ෂණික ප්‍රහාරය හේතුවෙන් තරගය ආරම්භයේදීම දකුණු අප්‍රිකානු කණ්ඩායම දැඩි පීඩනයකට ලක් කරමින් පෙරමුණ ගැනීමට සත්කාරක මෙක්සිකෝව සමත් වූ අතර, පළමු අර්ධය නිමාවී මේ වනවිට ගෝල තත්ත්වය මෙක්සිකෝව 01ක් සහ දකුණු අප්‍රිකාව කිසිදු ගෝලයක් ලබාගෙන නොමැතිව ක්‍රීඩා කරමින් පවතිනවා.