T20 කාන්තා ලෝක කුසලානයේ ඔස්ට්‍රේලියාව අවසන් මහා තරගයට

T20+%E0%B6%9A%E0%B7%8F%E0%B6%B1%E0%B7%8A%E0%B6%AD%E0%B7%8F+%E0%B6%BD%E0%B7%9D%E0%B6%9A+%E0%B6%9A%E0%B7%94%E0%B7%83%E0%B6%BD%E0%B7%8F%E0%B6%B1%E0%B6%BA%E0%B7%9A+%E0%B6%94%E0%B7%83%E0%B7%8A%E0%B6%A7%E0%B7%8A%E2%80%8D%E0%B6%BB%E0%B7%9A%E0%B6%BD%E0%B7%92%E0%B6%BA%E0%B7%8F%E0%B7%80+%E0%B6%85%E0%B7%80%E0%B7%83%E0%B6%B1%E0%B7%8A+%E0%B6%B8%E0%B7%84%E0%B7%8F+%E0%B6%AD%E0%B6%BB%E0%B6%9C%E0%B6%BA%E0%B6%A7

ICC කාන්තා විස්සයි20 ලෝක කුසලාන තරගාවලියේ පළමු අවසන් පූර්ව තරගයෙන් බටහිර ඉන්දීය කොදෙව් කණ්ඩායම පරදා කඩුලු 8ක විශිෂ්ට ජයක් වාර්තා කරමින් අවසන් මහා තරගයට සුදුසුකම් ලැබීමට ඔස්ට්‍රේලියානු කාන්තා කණ්ඩායම සමත් වුණා.

පළමුවෙන් පන්දුවට පහරදුන් බටහිර ඉන්දීය කොදෙව් කාන්තා කණ්ඩායමට නියමිත පන්දුවාර 20 අවසානයේ කඩුලු 7ක් දැවී රැස් කරගත හැකි වූයේ ලකුණු 125ක් පමණයි.

එහිදී නායිකා හේලි මැතිව්ස් පන්දු 28කදී ලකුණු 30ක් රැස් කළා.

පන්දු යැවීමේදී ඔස්ට්‍රේලියාවේ ඈෂ්ලි ගාඩ්නර් ඇගේ පන්දුවාර 4 තුළ ලකුණු 13කට කඩුලු 2ක් බිඳ හෙලීමට සමත් වූවා.

ලකුණු 126ක ජයග්‍රාහී ඉලක්කයක් හඹා ගිය ඔස්ට්‍රේලියානු ක්‍රීඩිකාවන් පන්දුවාර 13ක් තුළ කඩුලු 2ක් පමණක් දැවී ලකුණු 127ක් ලබා ගනිමින් ඉතා පහසුවෙන් තරගය ජයග්‍රහණය කළා.

ඒ වන විට තරගය නිමාවීමට තවත් පන්දු 42ක් ඉතිරිව තිබීම විශේෂත්වයක්.

ඔස්ට්‍රේලියානු කණ්ඩායම ජයග්‍රහණය කරා රැගෙන ගිය බෙත් මූනි පන්දු 36කදී නොදැවී වේගවත් ලකුණු 61ක් රැස් කළ අතර, ඇයට අනගි සහයක් දුන් ඈෂ්ලි ගාඩ්නර් පන්දු 20කදී නොදැවී ලකුණු 35ක් ලබා ගත්තා.

ලන්ඩන් නුවර ‘ද ඕවල්’ ක්‍රීඩාංගණයේ මෙම තරගය පැවැත්වුණා.