அனைத்துக் கட்டுப்பாடுகளையும் நீக்கியது இஸ்ரேல்!

லெபனானின் ஹிஸ்புல்லா அமைப்புடன் பலவீனமான போர்நிறுத்தம் நிலவி வரும் சூழலில், வடக்கு எல்லைப் பகுதிகளில் விதிக்கப்பட்டிருந்த அனைத்துக் கட்டுப்பாடுகளையும் நீக்குவதாக இஸ்ரேல் அறிவித்துள்ளது.

"திங்கட்கிழமை காலை 6 மணி முதல், மோதல் எல்லைப் பகுதியில் (Confrontation Line) விதிக்கப்பட்டிருந்த அனைத்துக் கட்டுப்பாடுகளும் நீக்கப்படும்" என இஸ்ரேலிய இராணுவம் தெரிவித்துள்ளது.

இந்த போர்நிறுத்த ஒப்பந்தத்துக்கு மத்தியிலும், கடந்த சனிக்கிழமை லெபனானில் இஸ்ரேலியப் படையினர் நடத்திய தாக்குதல்களில் பலர் கொல்லப்பட்டனர் என்பது குறிப்பிடத்தக்கது.