இலங்கை உள்ளிட்ட பல நாடுகளுக்கு ஃபிட்ச் ரேட்டிங்ஸ் எச்சரிக்கை!

ஈரான் மோதல்கள் காரணமாக வளர்ந்து வரும் பல சந்தைகளின் பொருளாதார வளர்ச்சி வேகம் குறைவடைதல், பணவீக்கம் அதிகரித்தல் மற்றும் நிதி அபாயங்கள் ஏற்படுதல் ஆகியவை குறித்து சர்வதேச கடன் தர நிர்ணய நிறுவனமான ஃபிட்ச் ரேட்டிங்ஸ் எச்சரிக்கை விடுத்துள்ளது.

ஆசிய பசுபிக் பிராந்திய நாடுகள், வளைகுடா ஒத்துழைப்பு பேரவை (GCC) நாடுகளிலிருந்து மசகு எண்ணெய் மற்றும் எரிவாயு இறக்குமதியை பெருமளவில் நம்பியிருப்பதால், விநியோக சங்கிலி சீர்குலைவுகள் ஊடாக மோசமான பேரின பொருளாதார பாதிப்புகள் ஏற்படும் என ஃபிட்ச் ரேட்டிங்ஸ் விடுத்துள்ள அறிக்கையில் தெரிவிக்கப்பட்டுள்ளது.

இந்தச் சூழல் இலங்கை மற்றும் பிலிப்பைன்ஸ் ஆகிய நாடுகளின் வங்கிகளையும், ஆசிய பசுபிக் பிராந்தியத்தில் உள்ள நிறுவனங்களையும் பாதித்துள்ளதாக அந்த அறிக்கையில் மேலும் சுட்டிக்காட்டப்பட்டுள்ளது.