எல்நினோ காலநிலை காரணமாக யால தேசிய பூங்காவில் குடிநீர் தட்டுப்பாடு

%E0%AE%8E%E0%AE%B2%E0%AF%8D%E0%AE%A8%E0%AE%BF%E0%AE%A9%E0%AF%8B+%E0%AE%95%E0%AE%BE%E0%AE%B2%E0%AE%A8%E0%AE%BF%E0%AE%B2%E0%AF%88+%E0%AE%95%E0%AE%BE%E0%AE%B0%E0%AE%A3%E0%AE%AE%E0%AE%BE%E0%AE%95+%E0%AE%AF%E0%AE%BE%E0%AE%B2+%E0%AE%A4%E0%AF%87%E0%AE%9A%E0%AE%BF%E0%AE%AF+%E0%AE%AA%E0%AF%82%E0%AE%99%E0%AF%8D%E0%AE%95%E0%AE%BE%E0%AE%B5%E0%AE%BF%E0%AE%B2%E0%AF%8D+%E0%AE%95%E0%AF%81%E0%AE%9F%E0%AE%BF%E0%AE%A8%E0%AF%80%E0%AE%B0%E0%AF%8D+%E0%AE%A4%E0%AE%9F%E0%AF%8D%E0%AE%9F%E0%AF%81%E0%AE%AA%E0%AF%8D%E0%AE%AA%E0%AE%BE%E0%AE%9F%E0%AF%81

எல்நினோ காலநிலை காரணமாக யால தேசிய பூங்காவில் குடிநீர் தட்டுப்பாடு ஏற்பட்டுள்ளது.

இதன் காரணமாக நீர் தாங்கிகள் மூலம் அங்கு நீர் விநியோகிக்கப்படுவதாக தேசிய நீர் வழங்கல் மற்றும் வடிகாலமைப்பு சபை தெரிவித்துள்ளது.

இதேவேளை, எல்நினோ காலநிலை காரணமாக 7 மாவட்டங்களைச் சேர்ந்த மக்கள் பாதிக்கப்பட்டுள்ளதாக அனர்த்த முகாமைத்துவ நிலையம் தெரிவித்துள்ளது.

இதன்படி, 26 ஆயிரத்து 457 குடும்பங்களை சேர்ந்த 84 ஆயிரத்து 545 பேர் பாதிக்கப்பட்டுள்ளனர்.

அத்துடன் குடிநீர் பிரச்சினைக்கு முகங்கொடுத்துள்ள 22 பிரதேச செயலாளர் பிரிவுகளுக்குட்பட்ட 75 ஆயிரத்து 734 பேருக்கு நீர் விநியோகிக்கப்பட்டுள்ளது.

அந்தவகையில், மொனராகலை மாவட்டத்தில் 11 ஆயிரத்து 74 குடும்பங்களை சேர்ந்த 35 ஆயிரத்து 639 பேருக்கு குடிநீர் விநியோகிக்கப்பட்டுள்ளது.

மட்டக்களப்பு மாவட்டத்தில் 9 ஆயிரத்து 547 குடும்பங்களை சேர்ந்த 28 ஆயிரத்து 523 பேருக்கு குடிநீர் விநியோகிக்கப்பட்டுள்ளதாக அனர்த்த முகாமைத்துவ நிலையம் தெரிவித்துள்ளது.

இதேவேளை, மட்டக்களப்பு மாவட்டத்தில் குடிநீர் பிரச்சினைக்கு முகங்கொடுத்து வரும் சுமார் 9 ஆயிரத்து 500 குடும்பங்களுக்கு குடிநீர் விநியோக பணிகள் முன்னெடுக்கப்பட்டு வருவதாக மாவட்ட அரசாங்க அதிபர் ஜே.எஸ்.அருள்ராஜ் தெரிவித்துள்ளார்.