“வாழ்க்கை 44 வயதில் தான் தொடங்குகிறது” – தனுஷின் பிறந்தநாளில் த்ரிஷா பகிர்ந்த பதிவின் பின்னணி என்ன?

நடிகர் தனுஷின் பிறந்தநாளை முன்னிட்டு, த்ரிஷா தனது இன்ஸ்டாகிராம் ஸ்டோரியில் உலகப் புகழ்பெற்ற தொலைக்காட்சி தொகுப்பாளரும் ஊடகத் தொழில்முனைவோருமான ஓப்ரா வின்ஃப்ரேயின் காணொளி ஒன்றைப் பகிர்ந்திருந்தார்.

அந்தக் காணொளியில், “மீண்டும் ஒரு குறிப்பிட்ட வயதுக்குச் செல்லும் வாய்ப்பு கிடைத்தால், எந்த வயதைத் தெரிவு செய்வீர்கள்?” என்ற கேள்விக்கு பதிலளிக்கும் ஓப்ரா வின்ஃப்ரே, “வாழ்க்கை 44 வயதில் தான் தொடங்குகிறது” என்ற கருத்தைப் பகிர்ந்துள்ளார்.

அந்த வயதில் ஒருவர் தன்னைப் பற்றிய தெளிவையும், வாழ்க்கையின் நோக்கத்தையும் புரிந்துகொள்ளத் தொடங்குகிறார். பிறரின் எதிர்பார்ப்புகளை விட, தனது சொந்த விருப்பங்களுக்கும் இலக்குகளுக்கும் முக்கியத்துவம் அளிக்கத் தொடங்கும் காலம் அது என அவர் தெரிவித்துள்ளார்.

இந்தக் காணொளியைப் பகிர்ந்த த்ரிஷா, அதனுடன் “Amen” எனப் பதிவிட்டிருந்தார். இந்தக் கருத்துக்கு தான் முழுமையாக உடன்படுவதை அது வெளிப்படுத்துவதாக ரசிகர்கள் கருத்து தெரிவித்து வருகின்றனர்.

கடந்த மே மாதம் தனது 43ஆவது பிறந்தநாளைக் கொண்டாடிய த்ரிஷா, தற்போது தனது திரை வாழ்க்கையிலும் தனிப்பட்ட வாழ்க்கையிலும் புதிய கட்டத்தை நோக்கிப் பயணித்து வருகிறார்.

வயது என்பது வெறும் எண்ணிக்கை மட்டுமே; அனுபவமும் தன்னம்பிக்கையுமே வாழ்க்கையின் முக்கிய அம்சங்கள் என்ற கருத்தை இந்தப் பதிவு வெளிப்படுத்துவதாக பார்க்கப்படுகிறது.

இதேவேளை, இந்தப் பதிவு நடிகர் தனுஷின் பிறந்தநாளன்று வெளியிடப்பட்டதால், சமூக வலைதளங்களில் கூடுதல் கவனத்தைப் பெற்றுள்ளது.