கால்பந்து கிண்ண தொடரின் 'சுப்பர் 32' சுற்றுக்கான போட்டிகள் அட்டவணை வெளியீடு

கால்பந்து கிண்ண தொடரின் குழுநிலை ஆட்டங்கள் நிறைவடைந்துள்ள நிலையில், தொடரின் மிகவும் தீர்மானமிக்க 'சுப்பர் 32' சுற்றுக்கான போட்டிகளின் உத்தியோகபூர்வ அட்டவணையை சர்வதேச கால்பந்து சம்மேளனம் வெளியிட்டுள்ளது.

உலக தரவரிசையில் முன்னிலையில் உள்ள பல முன்னணி அணிகள் இந்த சுற்றிலேயே நேரடியாக மோதிக்கொள்ளவுள்ளதால், கால்பந்து ரசிகர்கள் மத்தியில் பெரும் எதிர்பார்ப்பு எழுந்துள்ளது.

அதன்படி ,'சுப்பர் 32' சுற்றில் மோதும் முக்கிய அணிகளாக, ஜேர்மனி - பராகுவே,பிரான்ஸ் - சுவீடன், தென்னாபிரிக்கா - கனடா,நெதர்லாந்து - மொரோக்கோ,போர்த்துக்கல் - குரோஷியா,ஸ்பெயின் - ஆஸ்திரியா,
அமெரிக்கா - பொஸ்னியா மற்றும் ஹெர்சகோவினா,பெல்ஜியம் - செனகல்,பிரேசில் - ஜப்பான்,ஐவரி கோஸ்ட் - நோர்வே,மெக்சிக்கோ - ஈக்வடோர்,இங்கிலாந்து - கொங்கோ, ஆர்ஜென்டினா - கேப் வேட் (Cape Verde),அவுஸ்திரேலியா - எகிப்து,சுவிட்சர்லாந்து - அல்ஜீரியா,கொலம்பியா - கானா ஆகிய அணிகள் மோதவுள்ளன.

இந்தச் சுற்று முதல் அனைத்துப் போட்டிகளும் 'நொக்-அவுட்' முறையில் நடைபெறவுள்ளது. இதனால் தோல்வியடையும் அணிகள் நேரடியாகத் தொடரிலிருந்து வெளியேற வேண்டிய சூழல் ஏற்பட்டுள்ளதால், ஒவ்வொரு அணியும் வெற்றிக்காக அசாத்தியமான போராட்டத்தை வெளிப்படுத்தும் என விளையாட்டு ஆய்வாளர்கள் கருத்து தெரிவித்துள்ளனர்.