දිල්ලියේදී ස්විස් ගුවන් යානයක එන්ජිමක ගින්නක්: මගීන් 6කට තුවාල

%E0%B6%AF%E0%B7%92%E0%B6%BD%E0%B7%8A%E0%B6%BD%E0%B7%92%E0%B6%BA%E0%B7%9A%E0%B6%AF%E0%B7%93+%E0%B7%83%E0%B7%8A%E0%B7%80%E0%B7%92%E0%B7%83%E0%B7%8A+%E0%B6%9C%E0%B7%94%E0%B7%80%E0%B6%B1%E0%B7%8A+%E0%B6%BA%E0%B7%8F%E0%B6%B1%E0%B6%BA%E0%B6%9A+%E0%B6%91%E0%B6%B1%E0%B7%8A%E0%B6%A2%E0%B7%92%E0%B6%B8%E0%B6%9A+%E0%B6%9C%E0%B7%92%E0%B6%B1%E0%B7%8A%E0%B6%B1%E0%B6%9A%E0%B7%8A%3A+%E0%B6%B8%E0%B6%9C%E0%B7%93%E0%B6%B1%E0%B7%8A+6%E0%B6%9A%E0%B6%A7+%E0%B6%AD%E0%B7%94%E0%B7%80%E0%B7%8F%E0%B6%BD

ඉන්දියාවේ දිල්ලි ගුවන් තොටුපළේ සිට ස්විට්සර්ලන්තයේ සූරිච් බලා ගමන් කිරීමට සූදානම් වූ ස්විස් ජාත්‍යන්තර ගුවන් සේවයට (SWISS) අයත් ගුවන් යානයක එන්ජිමක් ගිනි ගැනීමට ලක්වූ බව විදෙස් මාධ්‍ය වාර්තා කරනවා.

අද (26) අලුයම අලුයම 1:00ට පමණ මෙම සිදුවීම වාර්තා වූ බවයි සඳහන්.

යානය ධාවන පථය ඔස්සේ ගුවන්ගත වීමට (Takeoff roll) වේගයෙන් ගමන් කරමින් සිටියදී එහි එක් එන්ජිමක හදිසි කාර්මික දෝෂයක් හටගෙන තිබුණා.

ඉන් අනතුරුව එන්ජිම ගිනිගෙන ඇති බවයි වාර්තා වන්නේ.

යානයේ වේගය පැයට සැතපුම් 104ක් පමණ වූ අවස්ථාවේදී ගුවන් නියමුවන් වහාම ක්‍රියාත්මක වී යානය නතර කිරීමට පියවර ගෙන ඇති බවද සඳහන්.

එම අවස්ථාවේ යානය තුළ මගීන් 232 දෙනෙකු සිට ඇති අතර ඔවුන් හදිසි දොරටු ඔස්සේ ඉවත් කිරීමට පියවර ගෙන තිබුණා.

කෙසේ වෙතත් මගීන් ඉවත් කිරීමේදී ඇති වූ තෙරපීම් සහ ලිස්සා යාම් නිසා මගීන් 06 දෙනෙකු සුළු තුවාල ලබා රෝහල් ගත කර තිබෙනවා.

අනතුර හේතුවෙන් යානයේ කාර්ය මණ්ඩලයට කිසිදු අනතුරක් සිදුව නොමැති අතර ගුවන් තොටුපළේ පූර්ණ හදිසි තත්ත්වයක් ප්‍රකාශයට පත් කොට ගිනි නිවන රථ කිහිපයක් එම ස්ථානයට කැඳවනු ලැබූ බවයි විදෙස් මාධ්‍ය වාර්තා කළේ.

සිදුවීමෙන් ගුවන් තොටුපළේ සෙසු මෙහෙයුම්වලට බාධාවක් එල්ල වී නොමැති බවයි එහි බලධාරීන් පවසන්නේ.

මෙම සිදුවීමට හේතුව සෙවීම සඳහා ස්විට්සර්ලන්තයේ සිට තාක්ෂණික විශේෂඥ කණ්ඩායමක් දිල්ලි වෙත පැමිණීමට නියමිත අතර, දැනට යානය ධාවන පථයෙන් ඉවත් කර පරීක්ෂණ කටයුතු ආරම්භ කර තිබෙනවා.