විදුලි දුම්රිය ලබන වසර මුලදී

%E0%B7%80%E0%B7%92%E0%B6%AF%E0%B7%94%E0%B6%BD%E0%B7%92+%E0%B6%AF%E0%B7%94%E0%B6%B8%E0%B7%8A%E0%B6%BB%E0%B7%92%E0%B6%BA+%E0%B6%BD%E0%B6%B6%E0%B6%B1+%E0%B7%80%E0%B7%83%E0%B6%BB+%E0%B6%B8%E0%B7%94%E0%B6%BD%E0%B6%AF%E0%B7%93

කොළඹ තදාසන්න දුම්රිය ව්‍යාපෘතිය යටතේ ලබන වසර මුලදී විදුලි දුම්රිය ආරම්භ කිරීමට තීරණය කර තිබෙනවා.

ජනාධිපති මාධ්‍ය අංශය නිවේදනය කළේ ජනාධිපති අනුර කුමාර දිසානායක සහ ප්‍රවාහන හා මහාමාර්ග අමාත්‍යාංශයේ නිලධාරීන් අතර අද (29) පැවති සාකච්ඡාවකදි එම ව්‍යාපෘතිය පිළිබඳව පුළුල් ලෙස සාකච්ඡා කෙරුණු බවයි.

කැලණිවැලි දුම්රිය මාර්ගයේ මරදාන සිට මාකුඹුරත්, ප්‍රධාන දුම්රිය මාර්ගයේ කොළඹ කොටුව සිට රාගමත්, මුහුදුබඩ දුම්රිය මාර්ගයේ කොළඹ කොටුව සිට පානදුර දක්වාත් පළමු අදියර වශයෙන් විදුලි දුම්රිය ව්‍යාපෘතියක් ආරම්භ කිරීම සැලසුමයි.

ඉදිරියේදී වර්තමාන දුම්රිය සේවාවට සමාන්තරව විද්‍යුත් දුම්රිය සේවා ක්‍රියාත්මක කිරීම, දුම්රිය මාර්ගයන්හි දැනට පවතින පළල වෙනුවට සම්මත පළල යොදාගෙන දුම්රිය මාර්ග ප්‍රතිසංස්කරණය ඇතුළු සැලසුම් පිළිබඳව ද මෙහිදී සාකච්ඡා වුණා.