මත්පැන් පානය ඉහළට

මෙරට මත්පැන් පානය ඉහළ යමින් පවතින බවට සංඛ්‍යාලේඛන මගින් අනාවරණය වන බව මධ්‍යසාර හා මත්පැන් තොරතුරු මධ්‍යස්ථානය පවසනවා.

2024 වසරේ සිට මේ දක්වා මධ්‍යසාර මිලෙහි නිසි සංශෝධනයක් සිදුනොවීම මෙම තත්ත්වයට හේතුවක් වී ඇති බවයි එම මධ්‍යස්ථානය කියා සිටියේ.

2025 වසරේ දත්තවලට අනුව බීර නිෂ්පාදනය සියයට 5කින් සහ මධ්‍යසාර නිෂ්පාදනය සියයට 17කින් ඉහළ ගොස් ඇති බව ද මධ්‍යසාර හා මත්පැන් තොරතුරු මධ්‍යස්ථානය පෙන්වා දෙනවා.

2023 වසරේදී මධ්‍යසාර බදු සියයට 20කින් වැඩි කිරීම නිසා 2022 වසරට සාපේක්ෂව මධ්‍යසාර අලෙවිය ලීටර මිලියන 8.3කින් අඩු වී තිබෙනවා.

2024 වර්ෂය ආරම්භයේ දී මත්පැන් බදු තවදුරටත් සියයට 20කින් ඉහළ නැංවීමේ ප්‍රතිඵලයක් ලෙස පෙර වසරට සාපේක්ෂව මධ්‍යසාර අලෙවිය ලීටර හාර ලක්ෂ 30,000 කින් පහත වැටී ඇති බවයි මධ්‍යසාර හා මත්පැන් තොරතුරු මධ්‍යස්ථානය සඳහන් කළේ.