අමෙරිකාව සහ ඉරානය අතර සාම ගිවිසුමක අවසන් එකඟතාවකට පැමිණ ඇති බව පාකිස්ථාන අගමැති කියයි

පවතින යුදමය වාතාවරණය අවසන් කරමින් අමෙරිකා එක්සත් ජනපදය සහ ඉරානය සාම ගිවිසුමක "අවසන් එකඟතා ලියවිල්ල" (Final agreed text) වෙත පැමිණ ඇති බව පකිස්ථාන අග්‍රාමාත්‍ය ෂෙහ්බාස් ෂරීෆ් නිවේදනය කරනවා.

සිය නිල සමාජ මාධ්‍ය ගිණුම ඔස්සේ ප්‍රකාශයක් නිකුත් කරමින් අග්‍රාමාත්‍යවරයා සඳහන් කළේ, දෙපාර්ශවය අතර සාමය උදාවීම මින් පෙර කිසිදු දිනක නොවූ තරම් ඉතාමත් ආසන්න මට්ටමකට පැමිණ ඇති බවයි.

පසුගිය කාලසීමාව පුරා කලාපීය මෙන්ම ගෝලීය වශයෙන් දැඩි නොසන්සුන්තාවකට හේතු වූ මෙම ගැටුම නිමා කිරීම සඳහා දෙරටේ නායකත්වයන් ගෙන ඇති පියවර පිළිබඳව ද පාකිස්ථාන අග්‍රාමාත්‍යවරයා එහිදී සුබවාදී අදහස් පළ කර තිබෙනවා.