රිය අනතුරුවලින් සිව්දෙනෙක් ජීවිතක්ෂයට

ඊයේ දිනයේ සිදුවූ රිය අනතුරු හතරකින් පුද්ගලයින් සිව්දෙනෙකු ජීවිතක්ෂයට පත්ව තිබෙනවා.

මාතලේ - කුරුණෑගල මාර්ගයේ කුඩා ඔය පාලම අසල ලොරි රථයක් සහ යතුරුපැදියක් ගැටී සිදුවූ අනතුරකින් 29 හැවිරිදි යතුරුපැදිකරු මියගොස් ඇති බවයි පොලිසිය සඳහන් කළේ.

එමෙන්ම, හෙට්ටිපොල - වස්ගමුව මාර්ගයේ 42 කිලෝමීටර කණුව අසලදී යතුරුපැදියක් පෙරලී සිදුවූ තවත් අනතුරකින් 18 හැවිරිදි යතුරුපැදිකරු මියගොස් තිබෙනවා.

මේ අතර, පාදෙණිය - අනුරාධපුර මාර්ගයේදී ත්‍රිරෝද රථයක ගැටී 65 හැවිරිදි පුද්ගලයෙකු මියගොස් ඇති අතර වෙන්කල්අඩි මාර්ගයේ යතුරුපැදියක් ලොරි රථයක ගැටී සිදුවූ තවත් අනතුරකින් 26 හැවිරිදි යතුරුපැදිකරු මියගොස් ඇති බවයි පොලිසිය ප්‍රකාශ කළේ.