ලෝක බැංකුවෙන් ලංකාවට ඩොලර් මිලියන 150ක ප්‍රතිපාදන

%E0%B6%BD%E0%B7%9D%E0%B6%9A+%E0%B6%B6%E0%B7%90%E0%B6%82%E0%B6%9A%E0%B7%94%E0%B7%80%E0%B7%99%E0%B6%B1%E0%B7%8A+%E0%B6%BD%E0%B6%82%E0%B6%9A%E0%B7%8F%E0%B7%80%E0%B6%A7+%E0%B6%A9%E0%B7%9C%E0%B6%BD%E0%B6%BB%E0%B7%8A+%E0%B6%B8%E0%B7%92%E0%B6%BD%E0%B7%92%E0%B6%BA%E0%B6%B1+150%E0%B6%9A+%E0%B6%B4%E0%B7%8A%E2%80%8D%E0%B6%BB%E0%B6%AD%E0%B7%92%E0%B6%B4%E0%B7%8F%E0%B6%AF%E0%B6%B1

ශ්‍රී ලංකාවේ ආයෝජන ප්‍රවර්ධනය, තරගකාරීත්වය ඉහළ නැංවීම සහ නව රැකියා උත්පාදනය අරමුණු කරගත් ආර්ථික ප්‍රතිසංස්කරණ වැඩපිළිවෙළක් සඳහා අමෙරිකානු ඩොලර් මිලියන 150ක මූල්‍ය ප්‍රතිපාදනයක් ලබාදීමට ලෝක බැංකුවේ විධායක අධ්‍යක්ෂ මණ්ඩලය අනුමැතිය ලබා දී තිබෙනවා.

මෙම මූල්‍ය පහසුකම ලබාදෙන්නේ ශ්‍රී ලංකාවේ ආර්ථිකය ස්ථාවර කිරීමේ අදියරෙන් ඔබ්බට ගොස්, දිගුකාලීන වර්ධනයක් ඇති කිරීම සඳහා ක්‍රියාත්මක කෙරෙන ‘REGROW’ (Reforms for Growth, Resilience and Openness) වැඩසටහනේ පළමු පියවර ලෙසයි.

ලෝක බැංකුව පෙන්වා දෙන්නේ මෙම අරමුදල් මඟින් මෙරට පෞද්ගලික අංශය කේන්ද්‍ර කරගත් ආර්ථික වර්ධනයක් ඇති කිරීමට අවශ්‍ය පසුබිම සැකසෙන බවයි.

ඒ යටතේ ප්‍රධාන ක්ෂේත්‍ර කිහිපයක ප්‍රතිසංස්කරණ සඳහා සහාය හිමිවීමට නියමිතයි.

ඒ අතර වෙළෙඳ බාධක ඉවත් කිරීම සහ ආයෝජන පරිසරය වඩාත් ආකර්ෂණීය කිරීම, මූල්‍ය ක්ෂේත්‍රය ශක්තිමත් කිරීම සහ රාජ්‍ය ව්‍යවසායයන්හි (SOEs) පාලනය සහ කාර්යක්ෂමතාව ඉහළ නැංවීම, කාන්තා රැකියා නියුක්තිය පුළුල් කිරීම සඳහා අවශ්‍ය පියවර ගැනීම,විදුලිබල ක්ෂේත්‍රයේ තරගකාරීත්වය වැඩි දියුණු කර වඩාත් ගුණාත්මක සේවාවක් අඩු පිරිවැයකින් ලබාදීම ඇතුළත්.

ලෝක බැංකුව මේ වනවිටත් ශ්‍රී ලංකාවේ අධ්‍යාපන, සෞඛ්‍ය, බලශක්ති, ප්‍රවාහන සහ කෘෂිකාර්මික ඇතුළු ක්ෂේත්‍ර රැසක ක්‍රියාත්මක ව්‍යාපෘති 13ක් සඳහා ඩොලර් බිලියන 1.5කට අධික සක්‍රිය දායකත්වයක් සපයමින් සිටිනවා.