අන්තර්ජාලය AI වීඩියෝ කුණු කන්දක් වෙයි: OpenAI සහ Meta අතර තරගයක්

%E0%B6%85%E0%B6%B1%E0%B7%8A%E0%B6%AD%E0%B6%BB%E0%B7%8A%E0%B6%A2%E0%B7%8F%E0%B6%BD%E0%B6%BA+AI+%E0%B7%80%E0%B7%93%E0%B6%A9%E0%B7%92%E0%B6%BA%E0%B7%9D+%E0%B6%9A%E0%B7%94%E0%B6%AB%E0%B7%94+%E0%B6%9A%E0%B6%B1%E0%B7%8A%E0%B6%AF%E0%B6%9A%E0%B7%8A+%E0%B7%80%E0%B7%99%E0%B6%BA%E0%B7%92%3A+OpenAI+%E0%B7%83%E0%B7%84+Meta+%E0%B6%85%E0%B6%AD%E0%B6%BB+%E0%B6%AD%E0%B6%BB%E0%B6%9C%E0%B6%BA%E0%B6%9A%E0%B7%8A

ලොව ප්‍රධාන කෘත්‍රිම බුද්ධි (AI) බලවතුන් වන OpenAI සහ Meta විසින් කෙටි AI වීඩියෝ ක්ෂේත්‍රය වෙත නව සමාජ මාධ්‍ය වේදිකා හඳුන්වා දීමත් සමඟ, ඩිජිටල් ලෝකය මේ වන විට දැඩි හැරවුම් ලක්ෂ්‍යයකට පැමිණ ඇති බව ඇමරිකානු මාධ්‍ය වාර්තා කරනවා.

ChatGPT නිර්මාණය කළ OpenAI සමාගම, ඔවුන්ගේ වීඩියෝ නිර්මාණ මෙවලම වන 'Sora 2' සමඟින්, TikTok සමාජ මාධ්‍යයට බෙහෙවින් සමාන නව යෙදුමක් දියත් කර තිබෙනවා.

මෙම යෙදුම තුළ, පරිශීලකයන්ට තමන්ගේ වීඩියෝ උඩුගත කිරීමට (upload) අවස්ථාව නොලැබෙන අතර, ලිඛිත විධාන මත AI මඟින් නිර්මාණය කරන ලද කෙටි වීඩියෝ පමණක් scroll කිරීමට සිදුවනු ඇති.

මේ අතර Meta සමාගම ද තම 'Meta AI' හරහා 'Vibes' නමින් AI වීඩියෝ ෆීඩ් එකක් (feed) ජනප්‍රිය කිරීමට උත්සාහ දරන අතර, මෙම සමාගම් දෙකම අසීමිතව වීඩියෝ ජනනය කිරීම දිරිමත් කරමින් සිටින බව පෙනී යනවා.

මෙම තාක්ෂණය අතිශයින්ම දියුණු බැවින්, ගැඹුරු ව්‍යාජ (Deepfakes) වීඩියෝ නිර්මාණය කිරීමේ අවදානමද මෙහිදී ඉහළ ගොස් ඇති බව සඳහන්.

කෙසේ වෙතත් මෙම නව AI වීඩියෝ රැල්ල සමඟින් මතුව ඇති ප්‍රධානතම තර්ජනය ලෙස විචාරකයන් හඳුන්වන්නේ 'AI Slop' (AI ස්ලොප්) නමැති සංසිද්ධියයි.

ඔවුනට අනුව 'AI Slop' යනු කෘත්‍රිම බුද්ධිය භාවිතයෙන් වේගයෙන් හා ලාභදායීව නිර්මාණය කරන ලද, ගුණාත්මක භාවයෙන් අඩු හෝ අනවශ්‍ය අන්තර්ගතයන්.

එවන් වීඩියෝ අසීමිතව සමාජ මාධ්‍යවලට ගලා ඒම නිසා, එය සමස්ත අන්තර්ජාලයම 'ඩිජිටල් කුණු කන්දක්' බවට පත් කළ හැකි බවට අනතුරු ඇඟවීම් ද නිකුත් වී තිබෙනවා.

මෙම AI ප්‍රවාහය හේතුවෙන් සැබෑ මිනිස් නිර්මාණශීලීත්වයෙන් යුත් අන්තර්ගතයන් යටපත් වීමේ අවදානමක් පවතිනවා.